專家推算 北極熊80年後將絕種
全球氣候因溫室效應而每年上升,大家都知兩極冰山一年比一年融得更快,連帶生態環境被影響,動植物都面臨難關。
近日根據《自然氣候變化》(Nature Climate Change)期刊發表專家研究報告指出,野生北極熊或許80年後就會真正絕種!
研究負責人「國際北極熊中心」首席科學家Steven Amstrup表示,北極熊因為海冰融化而欠缺棲息地及獵食地,令食物大量減少,長期唔夠飽會令北極熊身體變弱,更難度過寒冬,形成惡性循環。溫室效應令北冰洋海面冰塊愈來愈少,尤其夏天更加令北極熊毫無落腳地。Steven就表示目前北極熊擁有13個亞種,其中12個嘅數目都係一年比一年少,按此推斷情況唔改善的話,80年後相信野生北極熊會正式絕種,從此北極熊只會出現於動物園之中,令人十分惋惜呢!
相關文章: