專訪｜港產攝影師袁斯樂遊40國捕捉荒野秘境 飛鵝山自殺崖拍成名作：每日都會影香港｜Yahoo

【Yahoo 新聞報道】香港地質攝影師袁斯樂年僅27歲，在國際風景攝影界嶄露頭角，作品屢奪國際大賽殊榮。袁斯樂接受《Yahoo新聞》專訪，重塑他由在家影熱帶魚，拍攝香港山色，到今日遊遍40國探索荒野極地的經歷。香港集合山野、海、城市和地質各種風光，交織成他追夢的天空，打下風景攝影的重要基礎。他至今仍堅持每日為香港留影，百影不厭，「（在香港）影咗咁多年，到而家都仲有好多嘢諗到（想影），我覺得好神奇呢件事」。

9 年前自殺崖拍攝《野孩子追夢的天空》奪獎

記者邀請袁斯樂（Kelvin Yuen）任選一個他喜愛的地方，以便在訪問當日拍照，他二話不說選擇飛鵝山。以往有專訪寫他曾登上飛鵝山不下數十次，他笑道「係數唔到咁多次」。9年前，袁斯樂於國家地理攝影大賽的得獎作品《野孩子追夢的天空》，正是在飛鵝山自殺崖拍攝。這座山也成為他在風景攝影界追夢的開端，「早年讀緊書未必有咁多錢，搭的士幾廿蚊都無，因為屋企都算近，行兩個鐘就會上到嚟，可以影相又可以慳錢」。

作品來源：袁斯樂提供（Facebook／Instagram）

首次目睹香港雲海：好衝擊！

袁斯樂最先接觸攝影，不為風景，反而是在家影熱帶魚。那時流行在討論區買賣魚，但手機拍照質素參差，獲親戚轉贈Canon 450D入門相機。一部單反在手，只拍攝魚有感大材小用，17歲的他跑到家附近的獅子山，首次看到香港的雲海景色，「以前腦海唔會有呢啲咁嘅嘢出現，係好衝擊！過往坐飛機先會啲雲喺自己腳下，原來香港都有啲咁嘅嘢」。

第二次登山，雲海已不復見，袁才發現雲海只會在春季某些月份出現。他開始鑽研天氣、季候，一年後看準氣候出擊，再遇壯麗景色，「我記得係考緊DSE，屋企人仲叫我返嚟，聽朝要考另一科，但其實我唔想，我未影夠！」

袁畢業於浸大生物系，在學期間自學攝影。靠著賣熱帶魚的收入，他自費購買新相機，又在網上參考攝影迷的文章。袁指，自學首兩年，仍是摸索相機設定為主；熟悉操作後，學習做資料搜集，趁天氣合適勘景或實地考察尋找拍照角度，「晚晚凌晨三、四點會睇吓天氣，啱嘅就會開始行山」。西貢萬宜水庫是他的實戰地點之一，「第一次喺嗰度見到香港銀河景色......好多時啲教科書講地質好似好勁，但都係啲石頭相，原來去到睇日出日落會咁outstanding（壯觀），對住咗10幾年嘅香港認知好唔同」。

仔細觀賞袁斯樂的作品，會看到其成長軌跡：由初期較多在山上觀望城市，演化成每張都有獨特角度，一步步踏進大自然核心，「滿足感係自己發掘到個景色出嚟，可能一年得5、6張相，但都係自己原創、自己搵出嚟」。

相片如畫 深入荒蕪

他形容其作品風格像畫，「我做嘅風景相，好少肉眼睇到乜就紀錄乜，大多數都係用畫畫嘅方法去做結構」。遠古時代的風景畫蘊含光線運用、前景構圖等智慧，「因為嗰時無相機，就用呢啲手法去做composition（構圖），但我哋可以透過相機，喺實景搵返呢啲嘢出嚟」。

近年，袁開始「探索」風景，在一些較冷門、難以到達的地點拍攝，「探索係另一個級別嚟，個困難程度會高好多，可能你要喺野外一個月咁，唔係咁多人願意做呢件事」。他其中一個旅程長達三個月，踏遍歐洲、冰島、加拿大，其中加拿大西北領地的行程非常艱鉅。袁的目的地屬加拿大內陸保護區，出發一年前已開始搜集資料，申請禁區紙、與當中原住民溝通安排水上直升機等。到埗後需駕車到西北領地，先乘坐3小時水上直升機，飛越所有冰川，再爬山到達心水露營地點，靜候北極光出現，「嗰度係無訊號，要用衛星通訊機器叫佢哋接我，但部機每個訊息只可以打150個英文字母」。

露營7天，他首6天均與北極光無緣，「我已經準備執嘢走」。皇天不負有心人，最後一晚終於拍到心水照片。記者替他肉緊，他卻淡然，「以前都會覺得出去影一次，點都有一張出到啩？但慢慢發覺如果用呢個水平經營自己，個水平唔會提升到，唔係話你幾辛苦、付出咗啲乜嘢，turn out（最終）個景色唔畀你就係唔畀你」。相比拍到照，倒不如拍好照，「我自己目標唔係做好高流量嘅攝影師，我希望做一啲高質素、有價值永恆保存嘅作品」。

Google Map看不到的風景

最近的探索地點，袁選擇了中國藏區，全因夠挑戰性，連Google Map都未能顯示景點的實際情況，「因為歐美好多地方，你再難去，啲鬼佬都玩到爛晒，佢哋飛機、大炮都有，但去到內地真係無直升機，可能係行100公里入去，影兩張相出嚟，唔係人人都會願意咁樣做」。

袁最近兩年的夏季均到藏區拍攝，每次逗留一個月左右。他需找翻譯員與藏民溝通，以便他們帶領入區。由於當地屬高海拔地區，體能要求更高。每次拍攝，他均會帶備兩部相機、四支鏡頭，加上其他求生裝備、食物等，行裝可重達25公斤。袁笑指並無特別體能訓練，「開始咗風景攝影之後，其實長期都喺山上咁樣行，無刻意再做啲咩」。要在山上長時間逗留，他在地學習野外求生，「每次撞吓板，你就會做研究，好多嘢都係靠實戰」，例如有熊的地方，到埗後他馬上購買驅熊噴霧，亦會與當地人交流了解宜忌。

香港集山、海、城市、地質景致 划艇20公里尋海蝕洞

「我而家keep（保持）住每日都會影香港，特別係我影咗咁多年，到而家都仲有好多嘢諗到（想影），我覺得好神奇呢件事」。遊遍40國，袁斯樂說到香港最為雀躍，皆因香港的風景為他建立了攝影基礎，例如尋找海蝕洞之旅，「要獨木舟入去，嗰時我仲未有獨木舟經驗，一划就划咗20公里，行路行20公里都攞命啦，隻手痛到！」最終成功拍下滿意照片，他笑說一切非常值得，「好模擬到喺外國，例如冰島影嘅景色，原來香港都有咁嘅結構，所以早年學影相，香港畀咗個咁嘅基礎你去試」。他形容，香港細小的空間卻揉合山、海、城市、地質等元素，是不可多得，「如果喺內地城市，未必會有海蝕洞畀你，都無海。呢啲嘢要畀到你，你先有機會去試，而呢個地方就有咁嘅機會」。

目前袁斯樂從三方面拍攝香港，分別是地質、山野及在山上觀望城市，其中「地質」一環早前更與香港地質公園合作，介紹香港的另一面。「以往香港好多時嘅相，都係請啲commercial（商業）拍攝，都係藍天白雲、好旅遊嘅方法，但我覺得present（呈現）香港未必係咁，可唔可以投入一啲藝術感入去呢？」談起瑞士、日本富士山，我們會想起壯麗山色，他堅信香港一樣做到，「有啲拍攝手法令人有一個畫面喺個腦入面，其實香港都可以透過咁嘅畫面，做到相同嘅嘢出嚟」。

「人生每一分每一秒都有價值」

早前袁斯樂憑極地荒野作品《Wilderness Expedition》，勇奪國際全景攝影大賽總冠軍、自然組冠軍及最佳航拍影像獎，亦是首位華人同時擁有「年度國際風景攝影師」及「國際全景攝影大賽年度攝影師」殊榮。踏入風景攝影界後屢奪獎項，他笑指當初報名是「貪獎金」，但後來更想知道自己在國際舞台的水平。現時是否已證明自己的水平？

「如果係為殊榮，坦白講已經停咗影相好耐。如果要關注、要income（收入），可能好多城市相都可以有好多掌聲；影呢啲比較藝術類別嘅，未必人人識睇，或者背後付出好大，但呢個係自己嘅個人追求」。

他坦言，獎項對外國攝影師而言並不重要，相反參賽作品如「卡片」一樣，向行家展示自己的能力，「佢哋一睇你張相就知，呢個人平時點，會約你去explore（探索）啲新嘅地方」。他將會與外地攝影師到巴基斯坦、格陵蘭、美國阿拉斯加冰川、中國高海拔山脈等等，正是參賽帶來的拍攝機會。獎項如浮雲，一機在手繼續遊歷，才是他心之所在，「人生本來就係無意義，但當你搵到自己想追尋、鑽研、喜愛嘅嘢，你會發現人生每一分每一秒都有價值」。