【專訪】「國民初戀」姚焯菲的前世情人 姚爸爸想帶 Chantel 看巴黎鐵塔:「唔想另一個男仔帶佢去先」

姚焯菲每當有學業或事業上的難題,爸爸姚輝文是首選傾訴對象。
姚焯菲每當有學業或事業上的難題,爸爸姚輝文是首選傾訴對象。

【Yahoo 新聞報道】姚焯菲(Chantel)爸爸姚輝文家中有一個防潮箱,放滿與兩位愛女的珍貴回憶,包括首次與長女焯菲到北海道旅行的機票,「等疫情過咗,我想帶佢去 Eiffel Tower(艾菲爾鐵塔),唔想另一個男仔帶佢去先」。「前世情人」搖身變成「國民初戀」,姚爸爸繼續守護 Chantel,充當「柴可夫」管接管送,見證愛女在星途上迅速成長,對網民負評處之泰然。適逢父親節,姚爸爸分享 Chantel 的成長歷程,並寄望她保守開朗、善良的心,「用知名度同正面思想,影響其他年輕人」。

文字記者:盧珮瑤

攝影記者:馬泉崇

女團 After Class 成員、15 歲的姚焯菲因參加《聲夢傳奇》比賽踏上星途,幕後功臣非鼓勵愛女參賽的爸爸姚輝文莫屬。姚爸爸接受《Yahoo 新聞》專訪時說,當時兩父女因疫情常留家中,「我話你得閒咪錄隻歌玩吓囉,諗住消磨吓時間,點知 TVB 叫佢面試」。愛女順利入圍《聲夢》,他始料不及,「我話得唔得㗎你唱歌,你又無學過,真係當參觀電視台,好快畀人『叮』出嚟㗎喇喎」。結果 Chantel 勇奪亞軍,更於去年叱咤樂壇頒獎禮奪生力軍女歌手銅獎。

姚爸爸一直妥善保存與兩位愛女的回憶,其中一張是2009年首次與Chantel旅遊的機票。
姚爸爸一直妥善保存與兩位愛女的回憶,其中一張是2009年首次與Chantel旅遊的機票。

Chantel 細個易湊「食嘢大過天」

姚爸爸與太太於 2003 年共諧連理,先後誕下兩女,「本身傳統啲想一仔一女,後來發現而家兩個女仲好,有時 Daddy 係會覺得,多啲女喺身邊都好啲、溫馨啲」。2006 年 Chantel 走進他的生命,愛女誕生那刻,畢生難忘,「嗰陣做 C-Section(剖腹生產),成個過程都要幫手推佢出嚟,所以都好緊張,之後陪佢(Chantel)沖涼,覺得呢個小朋友咁靚女嘅」。

Chantel 早已是姚爸爸的心水名字。他早年與太太到英國公幹,認識一位女性朋友亦叫 Chantel,「我同太太都覺得個女仔好特別,樣靚、好有禮貌同學識,如果第時個女有佢咁叻就好」。中文名「焯菲」則象徵「卓越、非凡」。

姚爸爸笑言,Chantel 小時很易湊,最喜歡吃東西和睡覺,「兩歲嗰陣,佢夾親手指開始喊,為咗氹佢就整隻筷子篤粟米畀佢食,點知就即刻唔喊。之後我哋先見到,原來佢隻手指已經爆晒瘀血,但佢仲係無事咁食緊嘢」。Chantel 也非常疼愛妹妹,有次她發高燒堅持考試,對爸爸說:「我一定要考,老師會睇我個分,睇吓細妹入唔入到呢間學校讀書」。

姚爸爸大爆Chantel最愛吃東西和睡覺,比一般小朋友「易湊」。
姚爸爸大爆Chantel最愛吃東西和睡覺,比一般小朋友「易湊」。

練歌至深夜回家做功課

Chantel 年紀輕輕已成名,姚爸爸見證愛女迅速成長,「有次比賽返嚟都 10 點幾,第二日要返學,佢就上我哋架車度想繼續練歌,練到 12 點突然話要返屋企做功課,feel 到佢已經係 struggle(掙扎)緊點樣去平衡學業同埋比賽,唔會話一面倒,幾有責任心」。學習面對網民批評,是公眾人物的必修課,姚爸爸笑言要向性格開朗的女兒學習,「我有時見到都有啲唔開心,佢自己反而無乜嘢」。

姚爸爸現職投資公司管理層,但堅決不讓工作蠶食家庭生活,現時更成為 Chantel 的「柴可夫」,接載愛女到電視台工作,父女相處時間反而更多。職場上面對下屬、家中面對子女,姚爸爸均以溝通、尊重為前提,「要 open(開明),想點就直接同佢講,討論好緊要,無論咩 level(階級)嘅人,你都要有同樣嘅心去尊重對方,畀時間佢去處理事情」。

「解禁」批准穿耳窿

姚爸爸非常著重女兒的禮貌及時間管理,「平時教佢對住工作人員要有禮貌、唔可以遲到同講粗口。喺屋企 7 點鐘就要一齊食飯,唔可以工人姐姐煮完飯,佢哋仲匿埋喺房」。女兒必然愛美,但爸爸亦有「底線」,「一直唔畀佢穿耳窿,近日覺得都有需要畀佢穿(每邊)一個,點知佢想繼續釘,我就唔畀喇,可以用夾嗰啲㗎嘛!」

兼顧學業和演藝事業並非易事,姚爸爸絕對支持 Chantel 做喜歡的事,但仍希望她升讀大學,「對佢起碼有個保障」。爸爸最大的心願是愛女始終善良如一,「用知名度同正面思想影響其他年輕人,做善事去回饋社會,呢個就係我想見到嘅焯菲」。

姚爸爸指,育有兩女令家庭更溫馨。
姚爸爸指,育有兩女令家庭更溫馨。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能