對住仔係嚴父 徐榮(下):唉……對住個女收晒火!

蘋果動新聞

Karson慢慢長大,徐榮的要求也就愈來愈高,對著兒子總是保持威嚴,不過當對象換成剛滿三歲、可愛趣緻的女兒包包呢?這個嚴父也說立即變臉,既狠不下心也發不了火,女兒一出嗲功,整個人都能溶化:「Karson出世時,始終係第一次做老竇,年紀輕個人又容易著。睇睇吓報紙,佢BB時行埋嚟拍走份報紙,無情力唔小心打到我撞到嘢,我都好易著、好難㩒得住道火。其實做老竇都要學,小朋友始終係小朋友,唔止係因為對住個女就破晒功,都係因為有咗大仔嘅經驗,包包出世以後,我更加懂體諒、更明白點樣同小朋友相處,都學識咗控制自己情緒。」

image1
image1
image2
image2
image3
image3

對住包包好難狠心
不到一歲就已經在《愛.回家》馬家亮相,再加上爸爸是藝人,帶著一對兒女出門,尤其是女兒包包,總是被街坊商販包圍誇獎,食物大份啲排隊都可以排少陣,徐榮說一邊要多謝街坊粉絲對包包厚愛,一邊還是總會婉拒好意,怕緃壞兒女:「包包唔止係屋企孻女,又係家族最細一個,個個都錫到佢燶,尤其係哥哥Karson。出到街,街坊好熱情,食個飯、玩個遊樂場,都好好人咁叫包包唔使排隊。呢啲情況我通常都會拒絕,我唔想佢哋因為爸爸關係就覺得有特權、就唔使好似其他人一樣要排隊,呢個女太多寵愛包圍,我亦都唔想佢會恃寵生嬌養成公主病。愛錫還愛錫,有時底線都唔可以冇,無理扭計、唔合理要求、冇禮貌冇規矩我一樣會教會罰,佢喊咪由得佢喊囉,喊到攰自然會瞓。不過佢喊時我就難過啲,掩埋房門喺門背後聽住,個心住住,肉赤到呢……」

image4
image4
image5
image5
image6
image6
image7
image7

孩子創意重於成績
自己成長經歷填鴨式一套,如今教育制度更是變本加厲近乎病態,徐榮做了爸爸以後,所以寧願辛苦些都要送兒子讀國際學校,遠離壓力自在成長;面對制度,大多數家長都說一己之力難改變大環境,不過呢個爸爸說到做到,去年還開埋教育中心,改變現狀就從自己做起:「我哋細個嗰時都係背書大嘅,我真係覺得時代唔同,大家背埋同一樣嘢,又點會有競爭力呢?小朋友最寶貴同獨有優勢,咪就係佢哋自己天馬行空嘅創造力囉。我都係實踐中,唔知自己呢套啱唔啱,喺教育中心教戲,都會鼓勵學生提出意見、自己作故仔,然後由我去幫佢哋豐富情節再執行,將小朋友故事發揮成一套迷你劇大家一齊去演。我個仔除咗踢波仲鍾意結他,佢有一次忽發奇想,話結他上再裝埋個鼓會唔會勁啲……作為成人,唔係扼殺佢哋想像力潑冷水,而係欣賞佢哋創意之餘,再教佢衡量現實因素,如何克服重量、運用問題去令一個創意成真。無論一個小點子,定係發展個人事業,屋企人就係要盡最大努力幫佢、啟發佢、陪佢度過難關,呢二十年嚟我可以捱到家,咪就係因為有父母同屋企支持啫嘛!」

 

想知更多育兒資訊 請留意Easy Pama

你可能還想看