對處男作票房不敢奢望 Anson Lo反串喜獲譚耀文大讚靚女

【星島日報報道】盧瀚霆（Anson Lo）首套擔正主演的電影《假冒女團》，昨日舉行首映禮，戲中演員蘇皓兒、陳紫萱、李靜儀、李炘頤、郭嘉駿（193）等出席，更吸引大批穿著粉紅色club tee的「神徒」到場，當中有人早上6時已抵達現場外霸靚位，為求以最佳位置一睹偶像風采。

文：鄺芷瑩

圖：羅安強

Anson Lo表示人生中首次拍電影感到分外緊張，將幾個月拍攝的成果畀大家睇到覺得好鼓舞。戲中有不同造型的教主，笑言其中一個以女性打扮造型，起初也擔心會嚇人，更自覺好核突，不過與四位女演員也曾為角色定位而迷惘，最終也得出成果讓大家欣賞。他最深刻跟譚耀文對戲時，對方首次見到其女裝造型，卻大讚他好靚女。問他可有信心該片獲得千萬票房成績，教主坦言沒信心，人生首次拍電影不敢奢望成績。

勸粉絲不用爭睇首映

提到贊助商推出的首映禮套票，被炒家將首映禮門票單獨抽出放在網上炒賣，售價由1,000至3,000元不等。他說：「唔清楚，但都唔係第一次發生（指炒飛）。（美容店推出價值28,000元首映禮品套裝，有人投訴價錢太高？）粉絲要自己衡量，除了首映禮，都可以入場支持。」

蘇皓兒唔敢妒忌教主

陳紫萱透露戲中有一幕做出凌空鉸剪腳動作，但落地時因站不穩而整傷頸，不過覺得因禍得福，獲得其他同劇女演員關心。李靜儀則表示不擔心票房成績，希望可以能夠開拍part 2。蘇皓兒坦言首次拍電影，所以對今次好大期望，談到跟教主合作，可感受到對方的魅力？她笑說：「他的女性造型好靚。（妒忌他？）我驚他的粉絲鬧我。」

此外，教主於IG分享日前為愛犬Amber慶生的照片，更有特製的「清蒸西蘭花南瓜蕃薯三文魚蛋糕」給Amber，又上載唱生日歌給Amber聽的影片，但Amber似乎不知主人在做甚麼，對他的歌聲全無反應，教主則解讀為：「Amber傻妹個樣幾enjoy我首生日歌，一定唔係諗緊我幾時唱完佢有得食。」

■Anson Lo感謝神徒支持，但就叫大家衡量是否要花大錢撲首映戲票。

■前輩大讚他反串好靚女，令他始料未及。

■教主甫現身即向神徒們熱情揮手打招呼。

■神徒們塞爆首映禮活動現場，連二樓都逼滿人。

■教主聯同片中拍檔李炘 、蘇皓兒、陳紫萱和李靜儀，大談拍攝趣事。

■教主在社交網大晒為愛犬Amber慶生的片段。

娛樂