小圈子頒獎禮冇人睇《勁歌》總選收視得14點

《勁歌》總選相集

尋晚《勁歌》總選,三大唱片公司雖然同TVB破冰但係繼續唔玩,英皇同「自己人」星夢壟斷獎項,洗腦歌《越難越愛》拎金曲金獎。公信性備受質疑,連收視都插水!

收視報告今日出爐,《勁歌》總選最終平均收視得14點,最高錄得17點,係節目opening嗰陣。最低嘅係尾三嗰段,得12點。反而前一晚舉行嘅《超級巨聲4》,即使今季冇咩noise,平均都收15點,鍊贏一班天王天后……(sorry,點計都算不上有「一班」天王天后。)

其實唔睇收視報告都知有幾淡。當年林峯拎「亞太區最受歡迎男歌星」都有人鬧吓,尋晚FB WALL連一個講《勁歌》嘅post都冇,就知《勁歌》地位今非昔比啦。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能