小情侶被迫分手 男友信物內藏玄機 4年後先知

19+

嗱,俾我係電影公司老細,

一定快快手搵人將呢個故事寫成劇本,食住《比悲傷更悲傷的故事》條水。

是咁的,有位內地網友喺微博講咗呢個小故事︰

女主角高中時代,同一位同班同學拍拖一年幾,

本來感情要好,但係因為被家長揭發(唉,家長),

棒打鴛鴦之餘,仲幫女生轉校。

 

之後佢地偷偷見面,但都係俾父母捉到,

仲連男生手機都沒收埋。

迫不得已要分手,臨別前男生送咗一件牛仔褸俾女友。

之後,佢地冇再聯絡。

雖則有約定,入大學之後再續前緣,

但因為再無聯絡,只好將戀愛放下。

呢件牛仔褸有太多回憶,女生只係著過幾次就收埋咗。

 

幾年後,女生讀緊大學,喺聚會再遇前男友。

原來,大家都喺同一個城市讀書。

言談之間,男生問女生記唔記得嗰件牛仔褸,

仲話原來佢將一個秘密收喺件衫,希望個女仔搵到……

 

女生搵返件牛仔褸,先發現……

原來胸前個衫袋塊冚下面,用藍線綉上「我在未來等你」。

呢句係來自佢地一齊睇過嘅電影《穿越未來的少女》。

 

嘩,見到唔喊都唔係人啦!

於是佢就send短訊俾個男仔。

 

對方回「承諾仍然有效」

「現在就是我們的未來」。

 

!!!!!!!!!

係咪感動先!!!

校園+純愛,拍成戲唔爆都唔得啦?!!

原文傳送門

你可能還想看