小熊爬雪山影片瘋傳 溫馨背後隱藏危機

19+

 

早幾日,有條喺俄羅斯拍攝、影住一隻熊仔爬雪山嘅短片開始瘋傳。

片中,一隻熊媽媽帶住一隻小熊喺雪山上行走,

期間小熊喺個斜坡上爬下跌下,同媽媽距離越來越遠,

不過依然堅持,終於爬返上媽媽身邊。

 

好多人睇完都覺得好溫馨,又或者被小熊不屈不撓嘅精神感動。

 

不過有生態專家就睇到背後另一面。

 

呢條片用無人機拍攝,生態學家睇完片之後推測,

熊媽媽兩母子,可能以為呢部無人機係老鷹呢啲會襲擊佢地嘅猛禽,

於是不理山坡有幾斜,都想盡快爬過去。

 

細心睇,片入面嘅熊媽媽成日望住鏡頭,就係想留意無人機嘅活動。

 

到片尾,無人機靠近,即使小熊就快爬到媽媽身邊,

都被媽媽推開,就係因為佢以為小熊有遇襲可能。

其實無人機就好似模型飛機咁,飛行期間有摩打聲,

熊媽媽聽到呢啲怪聲又見到有隻嘢飛來飛去,

真係會以為有遇襲嘅可能。

 

所以,呢條片嘅真正訊息,

應該唔係母愛偉大、遇到逆境要堅持呢啲以人類思想出發嘅道理,

而係……唔該用無人機拍野生動物前,

諗清楚點拍先至唔會打搞到大自然。

原文傳送門

其他內容