小齊Keep住情緒 離家獨居

「雙任」任賢齊（小齊）及任達華昨日出席電影開鏡，兩人合作愉快，更以兄弟相稱，任達華笑言要跟小齊等人組成男團。小齊自言戲中飾演江湖人物，為怕將情緒帶回家，拍攝期間特意搬到外面居住以投入角色。

藝人任達華、任賢齊、洪金寶、譚耀文、吳卓羲及林曉峰等出席電影《邊緣行者》的開鏡儀式，小齊表示很開心跟任達華合作，大讚對方是好哥哥：「記得初來港拍戲，佢好照顧我，經常會提醒我哋每場戲嘅情緒。」他飾演江湖人物，角色亦正亦邪，透露為投入角色而搬到外面獨居：「喺屋企嘅話，情緒會出出入入，小朋友問我功課就會出戲。之前拍戲試過將情緒帶返屋企，經常兇神惡煞，所以都係搬出去住。」任達華指今次全男班合作很開心，笑言與小齊、陳國坤、譚耀文及林曉峰可組成5人樂隊：「我可以唱歌跳舞，我做新人，小齊連MV都諗好點拍。」

洪金寶跑住出場

之前傳身體不適的洪金寶精神奕奕跑住出場，他稱已接近2年未有拍電影，能再開工感開心，又感觸地說：「（電影業）都唔知幾時會停，聽到UA院線結業，遲啲發行、電影、電視都冇得睇，要聽麗的呼聲，聽番電台，遲啲香港乜都復古。（好唏噓？）梗係。」他坦言佩服香港電影公司在疫情下仍開戲，又謂打開電視見老百姓生活艱難而心酸：「好想幫，但我幫唔到咁多，唯一幫手就係流眼淚。」

至於林曉峰認為時代轉變，戲院都需要轉型：「歌手開演唱會，戲院可以同步直播。」最近有傳他的大仔有意入行，他解釋兒子只是幫朋友客串做模特兒，一切以讀書行先。

另外，電影《拆彈專家2》亦有在UA院線上映，對於該院線結業一事，該片投資方寰宇老闆林小明說：「佢哋進入清盤程序，相信片帳都冇得收。香港未來上電影都會愈嚟愈難做，上畫驚冇錢收，票房又唔太好，係一個惡性循環。」有經營院線及電影公司的黃百鳴則表示：「非常痛心，面對無法改變的困境，我只能繼續盡我能力保障我所有員工的生計。」