少女「味」濃 日本農場推出士多啤梨拉麵

·1 分鐘文章

日本士多啤梨向來極受歡迎,屬於頂級生果,不過原來疫情之下一樣大受影響,唔少只針對日本本地市場嘅農場都因為客人不足而滯銷,甚至因為賣唔出而要放棄收成。位於茨城東南部嘅鉾田市一個有百多年歷史嘅農場「深作農園」,一向以種植士多啤梨而聞名,平日會開放農場予遊人入園採摘,亦會提供大量士多啤梨味食品,例如士多啤梨蛋糕就非常出名。

但好景不常去年開始因為疫情令遊客量大跌,大批士多啤梨供過於求造成滯銷,第6代園主深作勝己忽發奇想,炮製出聞所未聞嘅士多啤梨拉麵,呢碗全粉紅色嘅拉麵一推出,果然引起大批女士興趣,前來嘗試及打咭。拉麵本身有叉燒,另外唔單止加入士多啤梨,連帶麵條本身都係粉紅色,酸甜醒胃,連日本電視台都去採訪,唔知日後其他拉麵舖會否仿效呢?

士多啤梨拉麵酸甜醒胃,連日本電視台都去採訪。
(圖:ANN NEWS)
士多啤梨拉麵酸甜醒胃,連日本電視台都去採訪。 (圖:ANN NEWS)
拉麵唔單止加入士多啤梨,連帶麵條本身都係粉紅色。
(圖:ANN NEWS)
拉麵唔單止加入士多啤梨,連帶麵條本身都係粉紅色。 (圖:ANN NEWS)
「深作農園」,一向種植士多啤梨而聞名。
(圖:深作農園)
「深作農園」,一向種植士多啤梨而聞名。 (圖:深作農園)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!

相關文章:

母親節-好去處-staycation-工作坊-咖啡店-野餐

香港好去處-大埔-小白鷺-botanic-union-蝶豆花園-打卡

荃灣海濱長廊優化後逐步開放-期間限定癲噹開心村設多個卡位