少爺占再被指撞樣模特兒 曾自嘲MC Public Face及舉辦「地球上最似少爺X」選舉尋親

少爺占再被指撞樣模特兒 曾自嘲MC Public Face及舉辦「地球上最似少爺X」選舉尋親
少爺占再被指撞樣模特兒 曾自嘲MC Public Face及舉辦「地球上最似少爺X」選舉尋親

商台DJ少爺占(甄子康)與當奴(Donald唐劍康)組成嘅「艾粒」昨日(13日)推出新歌《邊個話你醜?》,表示MV正在製作中。同日,少爺占於IG PO出多圖帖文,包括兩張媒體拍攝嘅女模特兒造型照及一張文字圖,寫道:「得啦,唔使再send俾(畀)我啦,我一路都話自己有做part-time model啦。你哋又唔信」;意指,好多人話佢同相中模特兒好似樣。其實,少爺占過往都被指與唔少人撞樣,少爺占大多時候都會自嘲,仲話自己係「MC Public Face」。

早於2018年,少爺占被網民指撞樣韓國男Model,網民仲話望咗好耐先知唔係佢,少爺占當時極抵死咁Cosplay模仿該男Model造型,連粒墨同雀斑嘅細節都唔放過,如同孖生一樣。少爺占又曾表示試過連環收到10個私訊指佢同陳冠希太太秦舒培超級似樣,於是舉辦咗一個「地球上最似少爺X」選舉予網民投稿,公開「尋親」,最後展出6名參賽作品,包括黃慶堯、何潤東、網紅、模特兒、書中人、日本街頭受訪者,其中一名法國女網紅照片就被圈中好友及網民表示激似,就連少爺占本人都感到驚訝:「連我自己都以為係我,我就是我,十萬個當中只得一個。」

少爺占曾被指與《全民造星IV》參賽者非常似樣;又表示收到唔少私訊問及:「你選女團?」、「請問占去玩《造星IV》嗎?」、「第一眼以為係你」等等,就連節目監製花姐(黃慧君)當時都留言︰「《造星IV》等你」。

少爺占與模特兒撞樣
少爺占與模特兒撞樣
少爺占與模特兒撞樣
少爺占與模特兒撞樣
少爺占與模特兒撞樣
少爺占與模特兒撞樣
艾粒新歌《邊個話你醜?》
艾粒新歌《邊個話你醜?》
少爺占曾舉辦「地球上最似少爺X」選舉
少爺占曾舉辦「地球上最似少爺X」選舉
艾粒
艾粒
少爺占
少爺占
少爺占
少爺占

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能