尖沙咀新開燒肉Omakase 專人燒日本A5和牛+特級寶盒鑽石肉

·3 分鐘文章

日式燒肉店越開越多,尖沙咀呢間新店就主打糅合Omakase概念嘅燒肉套餐,唔單止可以食到唔同部位嘅日本和牛、刺身、時令海鮮、前菜、甜品等等,仲有專人幫手燒肉!單點項目亦有驚喜,好似每日限定供應嘅寶盒,裡面就有以特別切法處理嘅和牛,賣相同質素兼具。

尖沙咀新開燒肉Omakase
尖沙咀新開燒肉Omakase

三郎。燒肉佔地約3,000呎,裝修以日本風格為主,卡位等以木屏風相隔,仲有個榻榻米房!而如果想享受專人燒肉,就記得要坐吧枱位喇。餐廳供應四款日本和牛:姬路牛、佐賀牛、宮崎牛,同鹿兒島牛。例如拍攝當日用嘅係姬路A5和牛,特色係油脂豐富而且雪花分佈均勻。

京洛(和牛醍醐味料理)
京洛(和牛醍醐味料理)

京洛(和牛醍醐味料理)($1,280/位)

餐廳推介套餐,一共有八道菜:前菜、季節魚刺身三種、和牛稀有肉七種、海鮮拼盤、酒肴、湯、食事、甜品。

前菜:北海道生粟米
前菜:北海道生粟米
季節魚刺身三種:大拖羅、牡丹蝦、帆立貝
季節魚刺身三種:大拖羅、牡丹蝦、帆立貝
和牛稀有肉七種牛:牛里脊肉、內側後腿肉、牛肋條肉、牛舌、牛肋肉、三角腹肉、三筋
和牛稀有肉七種牛:牛里脊肉、內側後腿肉、牛肋條肉、牛舌、牛肋肉、三角腹肉、三筋

值得一提嘅係由專人燒肉,唔單止熟度啱啱好,仲會幫客人安排一個最好嘅順序,例如呢七款牛肉師傅就按油花少至多燒好上碟。當中最特別嘅係牛三筋,係牛嘅前腿肉,位於牛肩後面,霜降雪花分佈均勻,肉味濃郁。部分燒肉亦會加上自家燒肉汁,味道香甜可以帶起肉香。

海鮮拼盤:日本翡翠螺、大蝦、鮮白鱔
海鮮拼盤:日本翡翠螺、大蝦、鮮白鱔
酒肴:燒日本銀鱈魚、湯、食事:明太子茶漬飯、甜品:水信玄餅
酒肴:燒日本銀鱈魚、湯、食事:明太子茶漬飯、甜品:水信玄餅
鳥亭(三郎市場豚/雞海鮮料理)
鳥亭(三郎市場豚/雞海鮮料理)

鳥亭(三郎市場豚/雞海鮮料理)($580/位)

唔食牛嘅朋友就可以點呢款以豚肉同雞肉為主嘅燒肉套餐,一共有八道菜:前菜、雞肉、豚肉、海鮮拼盤、蒸物、湯、食事、甜品。而另一款輪亭燒肉Set同樣係$580,可以食到包括和牛肉五種嘅六道菜。

亞波尾雞腿肉、亞波尾雞中翼、鹿兒島黑豚里脊肉、鹿兒島黑豚肋肉
亞波尾雞腿肉、亞波尾雞中翼、鹿兒島黑豚里脊肉、鹿兒島黑豚肋肉
寶盒鑽石肉
寶盒鑽石肉

寶盒鑽石肉(每日限量供應5-10份,$398起/100g)

鍾意食唔同特別部位嘅牛魔王可以留意呢個寶盒,皆因每日會有唔同部位和牛肉供應,主要會係赤肉例如拍攝當日嘅肉眼,亦有可能會係後臀肉、牛柳、西冷心等。

寶盒鑽石肉
寶盒鑽石肉

鑽石係指用Diamond Cut切法,燒嘅時候可以更快鎖住肉汁,同時將肉筋切斷,食落口感更嫩更Juicy。加上以蘋果木煙燻,增添香氣。

日本產A4和牛三文治
日本產A4和牛三文治

日本產A4和牛三文治($298)

近年大熱嘅和牛三文治呢度一樣有,選用A4等級西冷,肉質柔軟細膩,咬落脂香十足入口即溶。可以配黑松露沙律醬,用黑松露迷人香氣帶起和牛肉味。

三郎。燒肉
三郎。燒肉

三郎。燒肉
地址:尖沙咀中間道15號H Zentre地下3號舖

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能