尹詩沛演技大爆發 由「御用」舞女到師奶 演技好到男友都受騙？

入行11年嘅尹詩沛喺無綫TVB劇集《一笑渡凡間》最新一集嘅公堂戲上演技大爆發，引嚟唔少觀眾讚賞，但其實尹詩沛演技一向了得，過往喺唔少劇集都有驚人演出，如《十八年後的終極告白》中嘅「豬肉娣」、《金宵大廈》中嘅SheShe親熱等等，演技受到肯定。

藝員訓練班出身嘅尹詩沛，多年嚟演過唔少路人甲角色，如空姐、記者、護士、秘書、妓女或模特兒等等，近年就成日被安排飾演風塵女子，仲被網民封為「御用舞女」，直到2020年喺《十八年後的終極告白》中飾演「豬肉娣」，戲路開始改變，多飾演中女，就開始被封為「御用師奶」。但尹詩沛就表示，自從《黃金有罪》演完媽媽桑一角後，就已經脫離風塵女子行列，自己唔介意演咩年齡，最緊要無違和感、觀眾睇得舒服，希望未來角色可以更貼地，更話想嘗試下演喜劇。

尹詩沛雖然一直只係配角，但2020年失落「最佳女配角」，好多觀眾都替佢不值，喺《十八年後的終極告白》劇中茶樓「講數」同得知丈夫去世嘅喊戲，包括喺豬肉檔中抱住木屐，及喺停屍間痛哭，演繹都非常有層次，感動觀眾；亦曾演技好到連男友都呃埋。2018年，尹詩沛喺《再創世紀》中飾演「富二代」，有多場親熱戲，而男友竟誤會佢電話中嘅劇照喺真實相片，仲懷疑佢偷食，直到劇集出街先至無嬲。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！