南韓首套有關喪屍嘅電影《屍殺列車》上畫後氣勢如虹，喺韓國已經超越《我的野蠻女友》開畫首周嘅票房紀錄，喺香港正式上映一周亦已經有成4千萬票房，好評如潮，可以話係2016年唔可以錯過嘅韓國電影。電影講喪屍病毒爆發，不過其實更主要係講人嘅感情，所以唔單止吸引到喪屍迷，仲有唔少女仔都入場睇架。由於熱潮強勁，唔少戲迷都想搵下戲中多個拍攝車站，朝一朝聖，帶大家睇下！

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！

首爾站
當然要講係列車嘅起始站啦，戲中主角兩父女住喺首爾，天未光就喺首爾站坐開往釜山嘅列車出發，當中拍攝嘅就係首爾站嘅月台，有成十多個月台加路軌，實景拍攝架。而前傳動畫《首爾站》更加開宗明義以呢度作主場景啦。

幸信站
當中列車被命令停喺大田站，聲稱軍隊會喺大田站接管列車，但原來軍隊已經變晒喪屍，戲中喪屍軍人追咬乘客嘅場地，其實係由幸信站取景，包括月台、大堂、被軍人喪屍追咬嘅扶手電梯位等。

釜山站
戲中列車去唔到釜山站，因為中途路軌被阻，司機惟有棄車，改開另一架前往爹山，而當中喺一個空曠車廠被幾百喪屍狂追嘅地點，就係釜山站附近嘅列車維修中心，不過平時係絕不開放的。

相關文章：

未來旅行五大趨勢 唔洗兌錢、機械人知你幾時肚餓

全球機票價錢大不同 加拿大最貴中國最平？

10道極美懷石料理!! 箱根 3天歎溫泉行程懶人包