山聰代「開盤」 焗着三點式 劉穎鏇戰鬥格色誘 𢱑獎品

無綫藝人劉穎鏇前晚首次當《開心無敵獎門人》嘉賓，露腰騷腿激凸上陣，笑言希望藉此令獎門人施「特權」，不用玩遊戲就有獎品。跟她合演新劇《超能使者》的陳山聰，竟代為「開盤」，笑稱如新劇收視有20點，劉穎鏇就會以三點式示眾！

前晚劉穎鏇、陳山聰、劉佩玥、方力申、王灝兒（JW）和張國強等錄影無綫節目《開心無敵獎門人》，首次擔任《開》嘉賓的劉穎鏇以外套襯tube top及短褲性感上陣，原來是配合即將播映的新劇《超能使者》的造型，她笑說：「唔知可唔可以吸引到獎門人唔使玩都有獎品呢？」提到在《超》劇宣傳片以三點式上陣，問到若收視好，會如何答謝觀眾？陳山聰笑着搶答：「第一集出街有20點，佢着番嗰套出嚟，我就唔着上身，林子善就好似『波叔』咁激凸啦！」他續指與劉佩玥是第3次參加此節目，笑言對於拿獎品相當有信心：「我屋企贏咗好多灰甲水，最衰獎品冇奶粉啦！」

JW冇形象唔怕濕身

同場的JW稱不擔心玩遊戲時濕身，笑言自己冇形象。而提到陳瀅日前出席活動時走光，方力申說：「我覺得冇嘅，應該都做足安全措施，同埋打咗格仔都冇人睇到啦！」另外，「獎門人」曾志偉介紹張國強出場時互相鞠躬，他學對方貼地鞠躬時爆裙！今集獎老由林穎彤接替「爆炸頭」港姐徐麟，志偉笑說：「佢廣東話講得唔好，咪踢走佢……去學廣東話，你睇金剛到依家都未返嚟！」對於《開》即將播完，昨日他出席活動時透露之後要到內地工作，原本只做13集，現在已做至15集。提到鄭裕玲離巢，他稱尊重對方意願：「遲啲佢都會返嚟拍一個特輯，係轉換個模式。（台慶佢都返嚟？）希望啦！」