岑珈其心急丟屎片 一面都係

岑珈其是烹飪高手,最愛下廚氹家人開心。
岑珈其是烹飪高手,最愛下廚氹家人開心。

藝人岑珈其昨日出席香港家庭福利會「Homeland」家庭市集開幕禮,為布藝工作坊做1日店長,他表示:「我細個讀家政,所以以前啲穿窿襪、書包我都識自己補。(會唔會入廚?)自己鍾意煮,一放假我會煮,會覺得好開心,因為煮畀太太、媽咪同阿仔食,佢哋覺得好味我會好有滿足感。」

問到湊仔有否特別經歷?他笑言:「有次太太幫阿仔換屎片叫我幫手丟,我忙緊覆工作訊息,嗱嗱臨搞掂就繼續覆,點知仲聞到屎味,問太太咩事佢喺度笑,原來我唔小心揩咗落自己塊面,以後呢啲衞生嘢,幾忙都要處理好先,哈哈!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能