岑麗香聖誕送大禮 答謝「護花使者」

岑麗香送禮絕不偏心,以免囝囝呷醋。
岑麗香送禮絕不偏心,以免囝囝呷醋。

岑麗香昨日在九龍塘為巨型聖誕樹揭幕,她透露將留港慶祝,又指大仔平日很保護她,故會準備聖誕禮物獎勵,當然細佬也有份,以免呷醋:「我好驚曱甴,有次喺屋企大嗌,大仔就話下次再見到就話畀佢聽,佢會幫我,後來真係再見到,佢就拖住我隻手話帶我去安全嘅地方。雖然得3歲半人仔,但係好懂事,真係冧晒!」談及陳凱琳佗第3胎,問香香可有計劃追多個女?她笑說:「冇諗過,最好順其自然,我知足,亦自得其樂。」又期待細仔大一點後,可以再度拍劇。

另外,對於被網民讚樣靚身材正,她笑說:「屋企有兩個啞鈴,一個30磅,一個34磅,就係我兩個仔,所以無時無刻都做緊運動!」