崔碧珈患心力衰竭隨時暈喺街

東方日報
·2 分鐘文章
崔碧珈稍後要為2部電影拍攝,又要主持節目,真係要Keep好身子。
崔碧珈稍後要為2部電影拍攝,又要主持節目,真係要Keep好身子。

藝人崔碧珈最近發現患有心力衰竭,幸好知道得早,否則後果不堪設想,隨時暈低都唔知咩事!日前她急找中醫調理,又狂掃補心藥,力保身體強健!

擁有36G「胸器」的崔碧珈(Anita),為保持一身玲瓏曲線而勤運動,並注意日常飲食,但早前竟發現患有心力衰竭,連她自己都非常吃驚!她說:「我平時做好多運動,以為自己個心臟係強心,原來係弱心,可能係天生。」問有否試過心絞痛或暈眩?她說:「我成日覺得自己唔夠氣,做乜嘢都好似冇乜氣咁,而且我嘅血管屬於幼,比較容易有脂肪積聚,所以真係要格外小心,否則分分鐘暈喺街都唔知咩事!」

買藥護心補肝

命仔要緊!Anita當然不敢怠慢,日前駕車與媽咪到九龍城睇中醫,由於當日有不少人排隊,崔媽媽沒有落車,而Anita向醫館職員了解後,便坐在街頭等候,個多小時後才睇完離開。其後,她到附近一間中藥行購物,明顯主攻強心中藥,她細心地選擇,並不時向職員了解,十分認真。

而今次發現毛病可謂一個「意外」,全因她早前接拍了一個心臟檢查儀器廣告,她本來滿有信心會「合格」,怎料結果令她嚇一跳:「部機係太空總署專用儀器,當時我仲諗應該冇問題,點知原來有問題!」談及睇醫生一事,她直言身體比一切重要,所以睇中醫調理身體,護心補肝。

備戰拍外國片

至於未來工作,她透露將拍攝一套賀歲片,還有部外國電影在港取景,她更會嘗試擔任遊戲節目主持,算是新挑戰。對於以太空人造型拍廣告,她說:「雖然未有機會拍呢類電影,但拍到呢個廣告都好開心,如果將來有機會去太空旅行,我都想試吓,但要同屋企人一齊!」

崔碧珈坐在街頭等睇中醫,其後到藥行買藥調理身體。
崔碧珈坐在街頭等睇中醫,其後到藥行買藥調理身體。
崔碧珈早前以太空人造型拍廣告,過足癮。
崔碧珈早前以太空人造型拍廣告,過足癮。