崔錦棠憑《愛·回家》Andy一角成功入屋 因天生冇右耳曾被同學取笑

《愛·回家之開心速遞》截圖
《愛·回家之開心速遞》截圖

無綫處境劇《愛·回家之開心速遞》收視及人氣一直高企,連帶劇中演員人氣急升,當中包括飾演配角Andy劉德華嘅崔錦棠(Tony)。佢喺劇中經常與Peter(杜大偉飾)及Ivan(鄧永健飾)以「接龍花生友」出現,經常喺公司攪攪震,令劇集生色不少。

鄧永健、杜大偉 & 崔錦棠
鄧永健、杜大偉 & 崔錦棠

現年51歲嘅崔錦棠,早前接受香港電台訪問,大談自己童年經歷同入行經過。佢兒時非常好動,懷疑患有亞氏保加症,佢話自己睇唔到書,一睇字就頭暈身㷫,好辛苦冇得醫,不過嗰個年代冇人知,只係覺得佢好曳。後來,佢開始接觸運動,好似足球、跑步、單車及游泳等等,仲受到劇集《奔向太陽》影響,學劉德華練跑,1986年加入愉園青年軍及南華田徑隊。不過因為經常練習及比賽嘅關係,佢冇咩時間讀書,結果會考只考獲三分。畢業後,佢讀過一年西廚課程,工作後佢覺得做廚師太悶,所以佢去咗參加三項鐵人賽,第一次參加比賽就奪得青年組亞軍。之後,佢去徐克電影工作室做跑腿,後來加入有線電視做體育記者,13年獲無綫邀請過檔做體育編輯及講波,15年轉做藝人拍劇,首套參演嘅劇集就係《實習天使》,佢喺劇中飾演鍾意睇波嘅護士許栩。

前排有網友留意佢冇咗隻耳仔, Tony話佢一出世就冇咗隻耳仔,細個嘅時候俾同學取笑,佢唯有堅持唔剪頭髮,遮住右邊耳仔,更因為唔剪頭髮而被記過!佢亦坦言得一隻耳喺工作上都有影響,以前做體育直播,要帶兩邊耳機,一邊收聽香港廠直播,另一邊係現場導演,但佢只可以聽一邊,佢唯有將音量調較到最大聲,用左邊耳仔聽埋。佢都好擔心耳仔問題會影響拍劇,之前佢都會留長頭髮去遮,但拍《天命》要剃頭,佢同監製坦白耳仔問題,導演話冇問題照去,嗰次係佢第一次坦蕩蕩見人。

雖然佢見到網友留言個心都有啲唔舒服,但好彩大家唔介意,仲一直支持佢到而家!

《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
崔錦棠
崔錦棠
崔錦棠 & 杜大偉
崔錦棠 & 杜大偉
崔錦棠
崔錦棠
杜大偉、崔錦棠 & 樊亦敏
杜大偉、崔錦棠 & 樊亦敏

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!