抵死!車位被佔用 巴打出絕招 泊車L焗俾2萬

19+

 

網友用「泊車L」來稱呼一啲亂咁泊車嘅司機。佢地嘅惡行包括,停車位置頂住馬路轉彎位、泊正喺2個車位中間、時租車泊人地個月租位,等等。

英國有個揸車巴打Goalnado,發現自己喺公司附近月租嘅泊車位,俾一個「泊車L」霸咗。Goalnado於是擺架車頂住「泊車L」,點知對方收工收得遲過佢,計劃唔成功;佢仲留字條俾「泊車L」「提醒」對方,點知對方冇理不特止,仲丟埋佢啲字條!唔只一日,係十日都俾人霸咗個位。

Goalnado決定嚟個大報復!完全唔違法,唔駛爆人大銀幕,不過更絕。

首先,Goalnado知道同事放2星期大假,而佢細佬就出國一個月。佢就借同事個位泊車,再將自己租個車位,改由細佬個名登記。

跟手Goalnado就將細佬架車,泊喺「泊車L」架車後面,頂到實。

星期一返工,Goalnado泊自己架車喺同事個位,然後就見到「泊車L」氣急敗壞咁,同停車場職員投訴出唔到車。

因為頂實「泊車L」嘅係Goalnado細佬架車,而架車係登記咗嘅租戶,車場唔可以郁架車,只可以等Goalnado細佬返來揸走佢。 

而「泊車L」因為違例泊車,每日要罰100英鎊……即使係俾人頂住,都要俾。

Goalnado決家玩到盡,將細佬架車頂足20日,「泊車L」埋單俾車場罰咗2000鎊,即係大約2皮幾港紙。

據聞「泊車L」試過拎住個車牌去附近逐間公司問,咁梗係冇結果啦。

 

真係聽到都痛快!

原post

19+精選推介

【情人節餘波】單身上司復仇記

派電子利是朋友難避年

最愛互相報復情侶「反常」放閃

安撫醉婦心地好台175cm女警被封偶像

26%打工仔相信老細能處理好職場是非

【新世代】Chinglish無處不在

【扮工室】點解中女會扮收花?

Bill Gates的年書揭:他為何放棄財富

青年坐關愛座老友記拔刀狂插

最難聽的一句話:你窮是因為不努力

理大學生會被指擅用$2000萬投資買基金冇招標

Van牌總站有代號「十一咪半」即係去邊度?

40歲以上打工仔宜一星期返3日工

你可能還想看