巴西小鎮教堂名人蠟像 醜樣出國際
世界各地都有唔少蠟像館,大多數都係照世界上名人紅星肖像製造一個個像真度極高嘅蠟像,有時甚至睇相分唔出係蠟像定真人呢。不過估唔到於巴西南部一個小鎮Rolandia之中就有一個教堂,而當中擺放咗好幾個由當地雕刻師Arlindo Armacollo自己一手一腳整嘅蠟像,2015年時巴西電視台曾經去到當地採訪佢嘅個人展覽,估唔到近日呢段片畀網民搵出嚟瘋傳,原因係當中嘅蠟像非常醜樣,甚至醜到有一種滑稽感覺。
其中片段介紹嘅包括戴安娜王妃、瑪麗蓮夢露、愛因斯坦、貓王等等,唔少網民都話完全聯想唔到係本尊。近日電視台就再度去訪問雕刻師,佢就好大方咁話「我唔會因為其他人嘅說話而感到唔開心,我只為興趣而做,我樂在其中就可以了,喜歡就來,唔喜歡就過主吧。」不過反而令小鎮變成景點,好多人特意嚟睇蠟像呢!
下載全新Yahoo App
按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!
相關文章: