巴西小鎮自己建造新耶穌像 將成全球最高
大家應該都知巴西地標就係里約熱內盧嘅耶穌像,高38米雙手張開闊度達28米,今年已經係落成第90周年,全球知名。不過點都估唔到位於巴西南部一個小市鎮Encantado,竟然膽敢下戰書,正自行建造一個高43米嘅「守護者耶穌像」(Christ The Protector),動作跟原本嘅一樣,只係高度更高,一旦落成將成為全球最高耶穌像!
計劃其實早於2019年時已經開始,不過去年受到肺炎疫症影響要停工,而更不幸嘅係提出計劃嘅市長更因為感染肺炎而去世。雖然小鎮只有2萬多人口,不過呢次壯舉就令全巴西人都引頸以待,更為佢哋對宗教嘅信仰感到無比敬重,全國人都紛紛出錢出力幫助小鎮去完成耶穌像,希望達成去世市長嘅遺願,實在意義深遠呢!
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: