市容太差 居民發起「垃圾巴黎」行動 市長即出招補鑊

·1 分鐘文章
巴黎街上長期都堆滿垃圾,有礙觀瞻。
(圖:saccageparis@Twitter)
巴黎街上長期都堆滿垃圾,有礙觀瞻。 (圖:saccageparis@Twitter)

法國巴黎於大家腦海裡內應該係名店滿佈,為一個紫醉金迷嘅大城市;但事實上好多去過嘅遊客都見識過巴黎凌亂不堪加上滿地垃圾嘅一面,而生活於其中嘅居民更加已經忍無可忍。

近日網上有一個熱門Hashtag叫「#saccageparis」,即「垃圾巴黎」,為居民自願發起嘅行動,一人一相貼出巴黎市容,例如滿地垃圾、日久失修嘅長椅、咖啡店污糟嘅餐枱等,擺明就係落政府面!

有見及此巴黎市長Anne都無再狡辯,直接推出各種措施話要重新整頓,名為「巴黎新美學」,包括重新粉刷長椅、拆除或翻新廣告牌、開通一條長約60公里嘅單車道舒緩長期塞車問題等。今次Anne咁迅速行動,唔少學者推斷係因為Anne想為明年競選總統而鋪路。不過點都好,為巴黎改善市容都係必須嘅事,希望疫情結束後遊客重來之時有一個更美嘅巴黎迎接大家吧!

今次網民發起行動,大家都拍低照片貼上Hashtag。
(圖:saccageparis@Twitter)
今次網民發起行動,大家都拍低照片貼上Hashtag。 (圖:saccageparis@Twitter)
市長行動迅速,其中會將部分歷史悠久嘅長椅拆除。
(圖:saccageparis@Twitter)
市長行動迅速,其中會將部分歷史悠久嘅長椅拆除。 (圖:saccageparis@Twitter)

按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!


相關文章:

西貢全新度假酒店-8-月-1-日開幕-海景靚房頂樓無邊泳池-本周五開賣

失竊畢卡索名畫被找回-但竟然唔小心跌落地?!

浮潛好去處丨小棕林浮潛一日遊-港版泰國珊瑚島丨浮潛勝地丨隱閉海灘

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能