市民禁足 野生鹿群於倫敦漫步
早前報道過,由於英國目前因為疫症而禁止市民外出,野生動物竟然開始走入空無一人嘅市區之中,有大群山羊就出現市區食草,警察趕完夜晚又再返嚟。日前亦開始出現有鹿群出沒!
東倫敦羅姆福德就出現一大群野鹿,於市區街道、馬路上出沒漫步。有居民就話一向於附近嘅公園區域都有野生鹿,不過未見過佢哋出現於住宅區域,只見約20隻鹿於住宅區外草坪上休息,有坐有企,慢慢吃草;附近都見到有居民放狗,但雙方都無理會對方,非常和平安靜。當地居民就話非常歡迎鹿群到訪,甚至覺得係令「死氣沉沉嘅社區回復生氣」。
對於香港人,反而令人回想日本唔少地方例如廣島、奈良嘅野鹿,因為早前有新聞報道,野鹿因為目前無遊人餵食嘅關係,好多都要捱肚餓,令人擔心!
相關文章:
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場,Facebook 專頁當然同時煥然一新!立即讚好,每日睇盡旅遊新資訊!