【幕前合體】F4感情生活 邊2個婚姻美滿 邊2個dry爆?

·3 分鐘文章
【幕前合體】F4感情生活 邊2個婚姻美滿 邊2個dry爆?
【幕前合體】F4感情生活 邊2個婚姻美滿 邊2個dry爆?

內地江蘇衛視將會喺星期五晚舉行《一千零一夜》晚會,節目宣傳片公布嘉賓包括7年未試過同台演出嘅台灣男團F4!消息一出當堂哄動中港台,畢竟當年《流星花園》真係超級紅!

4位型男分開發展多年,感情狀況亦都各有不同,剛剛好有2位成家立室,另外2位就係單身一族,都幾切合當年劇中形象。

仔仔做老豆 搵人仔盤滿缽滿

【幕前合體】F4感情生活 邊2個婚姻美滿 邊2個dry爆?
【幕前合體】F4感情生活 邊2個婚姻美滿 邊2個dry爆?

周渝民(仔仔)最為人記得係同過大S戲假情真,分手之後仔仔同拍劇集《痞子英雄》認識嘅女演員喻虹淵交往,拍拖4年後兩人喺2015年結成夫妻,第二年囡囡出世,一家三口樂也融融,有傳媒影過仔仔帶住老婆同個女去動物園玩。

事業方面,前年仔仔有三套劇喺內地出街,搵埋唔少人仔,舊年佢喺台北豪宅地段大安區買下價值5千萬港紙嘅6千呎筍盤,仲要係落老婆名,堅閃!

朱孝天娶韓雯雯 享受二人世界

【幕前合體】F4感情生活 邊2個婚姻美滿 邊2個dry爆?
【幕前合體】F4感情生活 邊2個婚姻美滿 邊2個dry爆?

單飛之後朱孝天嘅發展未必係最好,不過緋聞方面都幾豐富,傳過佢同林熙蕾、楊謹華同楊丞琳等女星來往。2015年朱孝天因為拍內地電視劇《美夢成真》而同同劇內地女演員韓雯雯撻著,第二年就結婚,喺印尼峇里島舉行嘅婚禮上,F4嘅吳建豪同言承旭都有出席。

朱孝天同韓雯雯因為疫情,一度半年冇見面,直至最近先「重逢」。結婚4年,佢地冇打算生小朋友,原因係朱孝天患有遺傳病「纖維肌痛症」,唔想小朋友有缺憾。至於一度身型發福嘅孝天已經收身成功!

吳建豪同百億千金快來快去 未有著落

【幕前合體】F4感情生活 邊2個婚姻美滿 邊2個dry爆?
【幕前合體】F4感情生活 邊2個婚姻美滿 邊2個dry爆?

吳建豪(Vanness)2013年迎娶新加坡棕櫚油百億千金石貞善,睇落令人艷羨,點知婚後一年就傳出婚變,甚至試過兩公婆喺社交平台爆發罵戰。2018年吳建豪向石貞善寄出離婚協議書,提到原來佢地已經有3年冇一齊生活,石貞善同意離婚,但亦都唔客氣咁向Vaness發出離婚協議,提及幾項離婚原因之中,大爆Vanness同女性關係曖昧!終於佢地喺2018年底正式離婚,吳建豪至今未見有新戀情,但係外界就好著緊,試過Vanness post一張女仔相就以為係新女友,原來係佢姪女至真!

志玲姐姐結婚了 言承旭仲dry緊

【幕前合體】F4感情生活 邊2個婚姻美滿 邊2個dry爆?
【幕前合體】F4感情生活 邊2個婚姻美滿 邊2個dry爆?

言承旭傳得最耐亦最似層層嘅緋聞女友,一定係林志玲!但係2019年志玲姐姐宣布結婚,「姐夫」竟然係大纜都扯唔埋嘅日本男團Exile成員Akira,同林志玲暗交17年嘅言承旭自此「交投淡靜」,花邊新聞只有2單︰同內地新一代小花沈月傳緋聞,但係佢地合作拍劇,似係宣傳煲水。另一單係台灣女星張熙恩自爆同言承旭拍過2年拖,完。

言承旭舊愛張熙恩
言承旭舊愛張熙恩