平機票筍deal! 唔使2000蚊 個半月無限次任飛首爾+日本11個地點

19+

 

夏天係旅遊旺季,冇小朋友嘅我同你,

梗係趁暑假前飛一轉慳一筆啦。

 

嗱,今日就有個平機票deal,仲要係日本+首爾,冇人唔心動啦!

廉航首爾航空推出一個極之抵玩嘅機票pass,

只需要299000韓圜(約港幣1970元),就可以喺6月1日至7月15日期間,

來回首爾以及日本11個地點,

包括東京成田、大阪、沖繩、北海道札榥等等熱門城市,兼且包埋15公斤行李!

 

本身來回成田至首爾都要千幾蚊,即係飛2轉就回到本。

 

呢個pass啱咩人?梗係而家喺日本或者首爾讀書做嘢嘅朋友啦。

如果你係大學生,有個特長暑假,本身又想去日本玩一頭半個月,

個pass都係fit晒你。

因為即使係日航內陸機最多人用嘅外國人10000yen優惠

(不論行程長短,只要係日本本土內陸機,外國人訂都係大概港紙7百幾蚊),

都唔夠呢個優惠抵,最多係要喺首爾轉機用多咗時間,甚至要搵地方住囉。

不過首爾勝在住宿費抵,再唔係都仲有汗幕蒸……

 

假如俾你撲到平飛去首爾,都不妨計計數,可能有驚喜。

 

咁張飛本身都有少少限制,例如唔可以訂6月6日同7月15日嘅機票,

亦冇得喺星期日抵達首爾,而且機場稅同燃油附加費係唔包嘅。

 

上過去網站睇,得韓文版有更多詳情,咁可能要搵朋友幫手啦。

賣到6月12號架咋。

原post傳送門

 

你可能還想看