年廿八廿九突現狂風雷暴 年卅晚雨過天青和暖過新年

·1 分鐘文章

【on.cc東網專訊】臨近農曆新年,唔知大家準備好「年廿八洗邋遢」未呢?但除咗屋企要洗邋遢,似乎老天爺都想洗埋一份。天文台預測,受高空擾動影響,年廿八(9日)、年廿九(10日)多雲有雨,部分地區更有狂風雷暴。咁大雨,最好留喺屋企幫手洗邋遢。好彩,雨帶只係短暫掠過香港,年卅晚(11日)經已雨過天青,大年初一(12日)至初四(15日),一連四日好天。所謂「一年之計在於春」,唔知農曆新春大家有咩大計呢?不過最緊要都係身體健康!

天文台表示,一股偏東氣流會在未來一兩日影響華南沿岸,該區日間溫暖,受高空擾動影響,下周二、周三華南地區有大雨及雷暴。隨著雨帶遠離,除夕及農曆新年假期沿岸地區天色好轉及溫暖。

根據9天天氣預測,明日(7日)最高25度,天晴溫暖有薄霧;下周一(8日)溫暖偶有陽光,介乎18至24度。年廿八及年廿九受高空擾動影響,一連兩日多雲有雨,局部地區更有狂風雷暴。年卅晚雨霽天青,復見暖陽。大年初一(12日)至大年初四(15日)天晴溫暖,氣溫維持18至24度。

【更多即時新聞詳情請上東網新聞