年薪百萬 48歲韓劇迷徵婚60連敗

19+

身邊總有一個韓劇迷,當你分唔到嗰班好似樣嘅韓星係邊個打邊個嗰陣,

佢地一定可以快而準咁認到人,

仲記得位演員拍過咩、邊套好睇、有咩新聞。

有細藝冇問題,不過時間唔等人之嘛。

日本有個綜藝節目,專幫未能結婚嘅男男女女診症,

睇吓佢地有咩可以改善。

呢次嘅主角,係一位48歲嘅女士余慶尚美。

叫佢「黃金盛女」絕不為過,因為余慶小姐做美容生意,年賺港紙過百萬!

喺香港都唔易啦,更何況日本?!

45歲之前,余慶小姐完全冇諗過要嫁人,

有時間就睇韓劇,有錢就飛韓國,其實幾爽。

3年前開始心態轉,想搵個人過埋下半世,於是開始搵徵婚交友所幫手,

可惜計計埋埋已經被「彈鐘」60次!

點解咁陰功?可以睇睇余慶小姐嘅擇偶條件︰

學歷要大學畢業、年薪同佢差唔多,年齡45至55歲……

節目請嚟嘅專家就指出,余慶小姐有兩大問題︰

1,唔願意接受對方年薪比自己少

2,鍾意韓星唔係問題,但係一見面就同人講自己鍾意睇韓星,仲每年拎成十幾萬港紙追星就……

專家有句好正,「如果有個大叔好似你咁嘅條件,

但係每年拎十幾萬用喺AKB身上,你點睇?」。

結果大家都建議余慶小姐唔好參加「以結婚為前提嘅相睇」,

先去吓聯誼活動識吓男人,發展一下先。

不如都係繼續睇劇追星啦,起碼可以隨時換畫,駛嘅又一定係開心錢。

原文傳送門

你可能還想看