廖慧儀抄馮盈盈姣嗲洪永城出埠

廖慧儀開行Turbo放電,被指想行師姐馮盈盈條路。
廖慧儀開行Turbo放電,被指想行師姐馮盈盈條路。

有「狂野空姐」之稱的候選港姐廖慧儀,在網上直播公然挑逗洪永城,嗲住問他有否對空姐有Fantasy,又公然叫對方帶她出埠,姣勁十足!

《2020香港小姐競選》「我和港姐有個約會」昨晚3位佳麗是「狂野空姐」廖慧儀、黃婉恩及源菲然,與她們同枱的分別是洪永城(Tony)、郭子豪及馬貫東。Tony一開始已指廖慧儀眼神迷人,對方亦交足戲,嗲聲嗲氣問:「咁你有冇對空姐有Fantasy先!」、「你鍾意外國人夠大喎……隻眼」、「希望你帶我去旅行啦!」甚具挑逗性。Tony指她直認拍過5次拖,她又嗲爆說:「係囉!我唔識講大話,係缺點嚟!」其後二人度手掌,大手板的廖慧儀自言平時多做伸展運動,之後無端端說:「男仔應該做多啲!」拗手瓜時又嗌:「好大力呀!Oh My God!」連Tony都覺得難頂:「你咪講呢啲呀!」網民指廖慧儀有心扮言談Open的師姐馮盈盈,她說:「我做番自己啫!(話你姣?)喺洪永城身邊忍唔住笑,所以畀人咁嘅感覺,女仔好易畀人誤會,好唔公平囉!」

黃婉恩驚畀男友飛

與馬貫東同枱的黃婉恩有一位拍拖7年的男友,但未有意結婚,被問揀港姐冠軍還是男友,她揀冠軍:「我諗返屋企男友會打我,可能會同我分手!」而源菲然自言喜歡大隻男,問郭子豪是否啱心水,她說:「啱,我鍾意陽光同大隻。」但郭子豪當面請她食檸檬:「唔好意思,我有女朋友。」另一批入圍佳麗郭柏妍、梁懿婷等昨晚預錄,梁懿婷表示過往頗多性感打扮:「今次係自己衫,都係舒服健康為主。」

與洪永城有「肌膚之親」,廖慧儀笑得勁High!
與洪永城有「肌膚之親」,廖慧儀笑得勁High!