廖慧儀舉V懶理分手傳聞 網民爆料未婚懷孕

·1 分鐘文章
爆完三角戀又爆分手,依家仲爆出懷孕!
爆完三角戀又爆分手,依家仲爆出懷孕!

「狂野空姐」廖慧儀被指撻着《#後生仔傾吓偈》嘅KOL孔德賢(Danny),捲入三角戀,圈外男友Sam嬲爆網上公開「警告」Danny唔好再搵自己女友,廖慧儀當時以「飲醉酒」為男友解圍,又稱二人仍交往中。點知事隔十日,Sam突然發文自爆被狠飛,雖然至今廖慧儀仍未作出回應,但佢似乎未受負面新聞影響,相約好姊妹聚會談天,仲舉V開心晒合照,可見心情不俗。

正所謂人紅多是非,廖慧儀瞬間成為網民攻擊對象,有網友用Danny名義開設帳戶,並模仿佢嗌廖慧儀做「Bae(寶貝)」,並約喺當日男方做柴可夫接女方上車嘅地方等,亦有網友喺Sam社交網爆料指廖慧儀未婚懷孕,唔通好似余香凝一樣爆出閃婚?

有網友用Danny名義開設帳戶,模仿佢嗌廖慧儀做「Bae(寶貝)」。
有網友用Danny名義開設帳戶,模仿佢嗌廖慧儀做「Bae(寶貝)」。
網民爆料指廖慧儀未婚懷孕。
網民爆料指廖慧儀未婚懷孕。

而尋日Danny出席活動時被問到與廖慧儀關係,佢以朋友及同事關係形容,並斬釘截鐵指冇追求對方嘅意思。