廖慧儀《東華》「現身」照舊舞大旗

東方日報
·2 分鐘文章
電視上播出廖慧儀預先錄影的表演片段。
電視上播出廖慧儀預先錄影的表演片段。

應屆落選港姐廖慧儀(Jessica)的前男友Sam早前墮樓身亡,她被暫停手頭工作,原本她有份出席前晚的慈善節目《歡樂滿東華2020》,聯同伍允龍、羅浩銘、何浩文、何泳芍、何佩珉等表演功夫,但日前已預告缺席。雖然她真人未有現身會場,不過前晚在電視上仍可見其芳蹤,無綫播出她預先錄影的表演片段,由她負責舞大旗。

何泳芍表示有關心拍檔Jessica:「佢需要啲空間,我同佢講叫佢照顧好自己,表演就交畀我哋去處理,唔使擔心,佢都練習咗好耐。(係咪怕佢失手拖累大家,所以唔需要嚟表演?)佢有份表演,佢有錄影,怕佢心情問題,睇佢個人意願,但佢So Far OK,見佢冇乜嘢。」又透露節目前一天才見過對方:「係尋日錄影,始終有危險性同有火。(有冇同佢傾偈?)冇特別傾,畀啲空間佢,知佢好多嘢煩,但佢表現得好好,冇影響水準。(指佢好多幕前工作都有變?)我唔知道,係公司安排,佢自己都未必知。大家冇乜傾,集中喺表演上。」

黎諾懿陳敏之環節籌40萬

另外,黎諾懿與陳敏之主持的環節籌得40萬,提到眾藝員在亮燈時均未有戴上口罩,問兩人會否感擔心?諾懿說:「盡量唔講嘢。」而當時兩人在台上有親密攬攬,敏之解釋:「我哋頭先有個動作要試位。」她表示為安全計已買了快速測試檢驗。受疫情影響,節目善款罕有未能打破去年紀錄,共籌得$112,888,888元,較去年少$11,000,000元。當中最高籌款項目是由汪明荃及羅家英演出的粵劇折子戲《宮主刁蠻駙馬驕》,籌得$3,210,500元,而「明荃之友會 」銀紙擺設義賣,則籌得40萬元。

黎諾懿與陳敏之戴上透明口罩防疫。
黎諾懿與陳敏之戴上透明口罩防疫。