廖碧兒處女「煮」持 逆市袋 6位數

女星廖碧兒打拚紅酒事業已10個年頭,最近逆市開班授徒,反應不俗。事業愛情兩得意的她經營網上飲食頻道,最近被電視台睇中,以6位數字酬勞邀她處女下海主持煮食節目,可謂喜事連連。

廖碧兒當年因情傷出走外國,意外接觸酒的世界,從此結下不解之緣。多年後,碧兒於酒方面的成績表相當不錯,既推出自家品牌紅、白酒,亦先後考過不同階段的品酒及釀酒師牌。雖然新冠肺炎令百業蕭條,但碧兒的酒事業未受影響,曾私下舉行多場關於酒的分享會。

網上開班授徒

碧兒今日首度在網上舉行「大師班」,早前接受報名,以千元港幣的套餐吸客,除了包2支美酒,她亦會透過Zoom與參加者傳授品酒知識,雙方亦可同步互動,由於價格不昂貴,故網上班數十個名額火速售罄,只剩下「齋睇」套餐。

早前傳出她與富二代男友盧啟賢(Calvin)明年結婚,雖然碧兒已否認,但兩口子感情穩定。而Calvin對酒亦有一定知識,不時與碧兒交流心得。問到今次開班授徒,Calvin可有給意見?碧兒笑說:「做酒都做咗咁多年,對自己有一定信心。不過講到交流酒嘅嘢就有,因為酒圈子喺香港好細,識得品嘗酒嘅都唔係好多人。」

邊講邊煮大挑戰

早前她趁疫情於家中開設網上頻道,與網民分享下廚心得,結果有意外收穫,被ViuTV以6位數酬勞利誘主持煮食節目,對「鬼妹仔」的她來說絕對是大挑戰!據知,節目暫定下月中開拍,碧兒坦言對下廚信心較大:「煮嘢食我冇問題,因為屋企喺加拿大開過餐館,都學到幾招,不過要我用廣東話做主持就真係新嘗試,仲要邊講邊煮,自己都好期待。(請藝人做嘉賓?)依家好多嘢都要睇疫情發展,所以要傾吓先。(有6位數咁多?)總之係滿意價啦。」她坦言於疫情下仍未有新劇拍,但幸有其他工作,收入未受影響。