張可頤慶祝56歲生日晒嚴重凍齡照 靚到fans嗌「好嬲」
九十年代TVB花旦張可頤尋日度過56歲生日，不忘喺微博出post，寫道「謝謝大家的祝福🙏🏼今年特別熱閙，謝謝好朋友們的疼愛💕極有聲🎤、極滾燙🔥、極歡樂😆🎈🎂我也祝願大家每天也幸福快樂。豐盛美滿🎈 」，同時貼出新相派福利，見到佢同徐榮及一班朋友打邊爐慶祝，而可頤就狀態大勇，薄施脂粉都見到狀態好好，簡直keep住全盛時期嘅顏值。
有fans將照片分享到社交平台，直呼「好嬲！！！點解會咁靚！！！！」，仲話「呼吸唔到好辛苦，邊有人50歲過半都仲咁靚」，雖然誇張但又幾合理。
張可頤1994年參加港姐，雖然被視為大熱門，但最終未能打入三甲。比賽後張可頤加入TVB迅速被捧，入行2年已經擔正做女一，1997年嘅《難兄難弟》演程寶珠令事業更上一層樓，仲被封為TVB千禧年代5大花旦。2005年可頤拍內地劇《長恨歌》因未能抽離角色而導致健康出問題，一度要飛去澳洲休養。2007年張可頤重返TVB，到2012年約滿轉投王維基嘅HKTV，拍過劇集《來生不做香港人》。曾有傳張可頤因為跳槽而被列入TVB黑名單，但去年盛傳TVB搵可頤回巢拍重頭劇《巨塔之后》，但有傳由於《巨》的劇本比預期遲完成，劇集延至6月先開拍令張可頤撞期而需要辭演，女一就由宣萱頂上。不過可頤將會參與TVB另一套合拍劇。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
