張學潤掟6位數做老闆

張學潤
張學潤

形象指導張學潤日前出席有份投資的消毒用品店開幕活動,投資6位數字的他自言去年冇工開,所以要搵出路及學習慳錢:「我成年冇買過衫同鞋呀!真係未試過,不過原來都冇問題,先發覺之前真係好大使!」提到與他撞樣的o靚模謝芷蕙被「舊愛」追債,他笑說:「人哋同我唔似樣好耐啦!我都想似佢咁發達呀!一個願打、一個願捱,佢對與錯都好,女仔青春有限,要不停進修,唔好淨係靠外表。」