張家朗任國際時裝品牌代言人 造型照評價好壞參半 網民:條眉發生乜事?

·2 分鐘文章
張家朗
張家朗

「劍神」張家朗喺今屆東京奧運男子花劍個人賽中勇奪金牌,為港爭光!一夜爆紅嘅佢除咗社交帳號追蹤人數激增之外,更獲國際時裝品牌垂青,擔任香港新任品牌大使。而張家朗亦有喺IG上載造型照,不過網民嘅評價就好壞參半啦!

張家朗由運動界進軍時尚界,今次嘅造型照造型照以全新形象示人,除咗以全黑造型亮相之外,連佢平時嘅韓仔平陰髮型冇咗。家朗喺IG上載造型照並留言話:「I dare you to dream.」有網民睇完就大讚佢有型同靚仔,不過亦有唔少網民認為佢個妝容同髮型出晒事,紛紛留言話:「呢個造型唔掂啦、化妝整頭好唔掂呀、佢整蠱你咩」、「你個髮型係咪扮緊Logan?」、「化妝師有啲整蠱喎 堂眉化到唔對稱嘅」、「點解我有感覺係似黑社會大佬嘅」、「條眉發生乜事?」、「得罪化妝造型師?」、「個頭起角咩事」及「攝影師,化妝師,造型師玩嘢啊?整到你好唔得囉」等等。另外,亦有網民話佢呢個look與馬浚偉同許志安撞樣,唔知大家覺得似唔似呢?

張家朗
張家朗
張家朗
張家朗
張家朗
張家朗
張家朗
張家朗
張家朗
張家朗
張家朗
張家朗
張家朗
張家朗

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能