張家朗奧運奪金 林作秒速抽水惹網民不滿:請你尊重一下香港運動員

·2 分鐘文章
 張家朗 & 林作
張家朗 & 林作

有「193劍神」之稱嘅港隊劍擊代表張家朗,噚晚以15:11擊敗意大利選手加羅佐,歷史性贏得奧運男子花劍金牌,同時為香港帶來第二面奧運金牌,全香港人為佢感到高興而歡呼!唔少藝人都有收睇奧運直播,見證張家朗奪金一刻,之後更喺社交網站出PO慶祝,而一向言論出位嘅林作亦即時出PO「抽水」。

林作與鍾培生嘅百萬擂台戰,較早前已經落實9月中舉行,二人積極備戰密密操練,呢場花生指數爆晒燈嘅賽事都未打,林作已經蠢蠢欲動打第二場比賽。林作喺社交網站出PO宣布喺與鍾培生嘅拳賽後轉學劍擊半年,將於下年3月迎戰張家朗,仲話到時會俾10萬出場費俾張家朗,等張家朗凱旋回港後搵佢傾傾。

林作
林作

此PO一出,唔少網民紛紛都留言鬧爆佢抽水同唔尊重運動員,例如:「尊重下人啦 好多嘢都可以講笑攞彩,但呢樣嘢真係一啲都唔好笑 對一個運動員來講這樣的一個玩笑並不可笑」、「唔好搞咁多啦 認真做多咗 人地係香港之光」、「無喇喇 抽人水做乜姐 行X開喇 攞人哋榮耀講笑」、「真正運動員由細到大,下咗幾多年苦功,你今次抽水抽得好low囉」、「你咁樣抽水有啲難睇....你應該係人哋挑你先出好出嚟」、「請你尊重一下香港運動員」、「好心你唔好咁失禮啦!除咗抽水你仲識咩啊?」及「呢個時候抽水唔係明智嘅選擇⋯⋯」等等。

林作
林作
影片截圖
影片截圖
影片截圖
影片截圖
影片截圖
影片截圖
鍾培生 & 林作
鍾培生 & 林作
林作
林作
林作
林作
裕美 & 林作
裕美 & 林作

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能