張寶兒傳統養生最夠薑

東方日報
·1 分鐘文章
呷一口薑茶,一股暖流湧上心頭,成個人爽晒!
呷一口薑茶,一股暖流湧上心頭,成個人爽晒!

藝人張寶兒不時在社交網分享fashion造型,平日打扮潮爆的她,養生方面卻相當傳統,獨孤一味「夠薑」!去年成為人妻的她,3、4年前開始保持吃薑習慣,覺得改善了腸胃與身體濕氣重的問題,她說:「好多人講冬天適合食薑補身,我覺得夏天更加需要食薑,因為涼得冷氣多、天氣潮濕又飲凍嘢,生冷嘢又食得多,食薑就可以驅寒,令寒氣排出身體。」

寶兒的「夠薑養生法」相當簡單,除了磨薑汁沖水飲,閒時在家會煲薑水浸腳,有助血氣運行暢順,對女士特別有幫助,她笑說:「選港姐嗰陣已經薑水唔離身,成日畀人笑我似阿婆。以前腸胃麻麻,食完生冷嘢個肚會唔舒服,食薑之後改善咗好多。同埋以前食得生冷嘢多,個人濕氣重,脷苔好厚皮膚又黃,成個人暗啞無力,依家成個人爽晒,有番動力。」

「夠薑茶」製法

張寶兒平日喜歡用暖壺沖製一大壺薑茶日常飲用,做法簡單方便,先將生薑去皮,因應個人口味將適量生薑磨成汁,加入熱水或熱茶沖泡,即可隨時飲用。