張寶兒再為聲夢學員造型惹負評 被轟將炎明熹由少女變大媽:放過他們吧

張寶兒再為聲夢學員造型惹負評 被轟將炎明熹由少女變大媽:放過他們吧
張寶兒再為聲夢學員造型惹負評 被轟將炎明熹由少女變大媽:放過他們吧

張寶兒(Bowie)自與袁偉豪結婚後,開始醉心於時裝造型,除咗幫袁偉豪襯衫,去年更為《聲夢傳奇》學員擔任造型師,包辦商演及演唱會造型,不過網民就唔多欣賞佢嘅時裝觸覺。近日,張寶兒又為聲夢學員配搭出席國慶文藝晚會造型,一如既往充斥負評,有網民指張寶兒搞到全部人老咗十歲,炎明熹更由少女變大媽!

日前,張寶兒於IG及小紅書分別上載一段接近30秒嘅影片,分享為炎明熹(Gigi)、姚焯菲(Chantel)、鍾柔美(Yumi)、詹天文(Windy)、冼靖峰 (Archie)等多位聲夢學員所配搭嘅演出造型;不過網民反應兩極,IG帖文中,唔少留言大讚學員造型好睇,仲話全靠張寶兒。但小紅書帖文中,就出現極多負評,批評張寶兒將各位少女變成大媽:「就係因為你Gigi先老餅咁多」、「你可能真的不適合給藝人做Styling,放過他們吧,交給專業的人」、「拜托給她們符合自己年紀的衣服」、「專業和業餘造型師的區別」、「GiGi變37歲」等等。

張寶兒已非首次為《聲夢傳奇》學員擔任造型師,去年為學員出心出力搵演唱會服裝贊助,仲出動埋媽媽私伙皮褸及袁偉豪嘅長褲。張寶兒更拍片分享指,自己根據唔同學員優點和特質為佢哋搭配造型;當中,姚焯菲嘅「黃色小雞」造型最多負評,因此佢就被指未夠班做造型師,令姚焯菲由天鵝變醜小鴨。網民又重提《聲夢傳奇》決賽當晚學員造型,姚焯菲著上黑白連身裙如同「小鳳姐」上身,不過張寶兒PO IG Story澄清自己僅幫手做過一兩次商演,無幫手學員節目上造型。另外,張寶兒曾為《2021香港小姐競選》首輪面試有「東涌羅浩楷」之稱嘅利愛安(Kirsten)大變身,被網民大讚利愛安成功恢復真實年齡,張寶兒即時於IG分享,並感謝對方相信佢。張寶兒此舉行為就被網民覺得輸打贏要,比人讚就衝出嚟,比人彈就唔認係自己錯:「比人彈就話只出一兩次,係咩事呀?」、「果然係進可攻退可守」等等。

影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
影片截圖
張寶兒
張寶兒
張寶兒
張寶兒
張寶兒
張寶兒
張寶兒
張寶兒
張寶兒
張寶兒

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!