張敏28年後再拍王晶作品 網民大讚回憶返晒嚟

·2 分鐘文章
張敏28年後再拍王晶作品 網民大讚回憶返晒嚟
張敏28年後再拍王晶作品 網民大讚回憶返晒嚟

拍過多套周星馳電影嘅女星張敏,喺90年代中期急流勇退轉行營商,最多都係拍吓硬照廣告,絕少幕前演出。導演王晶最近參與內地綜藝節目《導演請指教》,並為節目拍古裝短片《客棧》,竟然請出當年合作無間嘅張敏復出參與拍攝。

張敏28年後再拍王晶作品 網民大讚回憶返晒嚟
張敏28年後再拍王晶作品 網民大讚回憶返晒嚟

對上一次張敏參演王晶電影已經係1994年嘅《賭神2》,由今次拍嘅《客棧》劇照所見,古裝造型嘅張敏仍然好有氣質,而且身型冇走樣,睇落唔覺原來已經53歲。唔少網友都好期待呢條短片,覺得90年代睇港產片嘅回憶返晒嚟!王晶喺微博講起今次合作,表示「這次與張敏再度合作,沒想到還是會像以前一樣默契,幾乎沒有分開很久的感覺,有些老友相聚是坐在一起喝頓酒,但我想用這部短片記錄,應該會更開心吧,也算是彌補了《倚天屠龍記之魔教教主》沒能拍上續集的遺憾吧。」

張敏都喺微博寫道「幾十年沒有演戲,這次和王晶導演再度合作感慨頗多,好像我們昨天還在一起拍戲,二十八年前合作時的場景還歷歷在目。多年之後再次回看這部短片,相信會是我們之間一個很好的紀念」。

張敏28年後再拍王晶作品 網民大讚回憶返晒嚟
張敏28年後再拍王晶作品 網民大讚回憶返晒嚟
張敏28年後再拍王晶作品 網民大讚回憶返晒嚟
張敏28年後再拍王晶作品 網民大讚回憶返晒嚟

17歲入行嘅張敏,喺1986年亞視藝訓班畢業之後就被王晶相中,話咁快就拍咗賣座片《精裝追女仔》並旋即走紅。之後喺《賭聖》飾演綺夢更加成為當年頭號女神。不過張敏1995年拍完《十兄弟》就轉戰商界,中間有2次復出拍劇集,但都係拍完又再退隱江湖,2017年為台灣微風百貨公司拍硬照廣告,被外界認為想復出。

甚少緋聞嘅張敏曾經被傳同前經理人結婚,但喺2017年佢親自澄清從來冇結過婚,並承認有一個年輕十幾歲嘅男友。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能