張敬軒堅守責任 開騷諗一諗

張敬軒在其大宅開Live,他很喜歡這個地方有神秘的吸引力。
張敬軒在其大宅開Live,他很喜歡這個地方有神秘的吸引力。

前晚「皇上」張敬軒駕到繽FUN Live,喜歡惡搞的他,澄清並非「無底線」之人,今年是他入行20周年,當然恨開演唱會,但認為藝人應堅守社會責任,重提去年演唱會後,在疫情記者會聽到自己的名字,那一刻感到好心噏。

張敬軒前晚亮相繽FUN Live,網民見偶像立即抵死留言叫他「軟仔」、「乾仔」,他邊看邊笑:「好慘,全部都係男人大忌,我終於可以見番同齡人,依家冇人叫我軒仔,只係叫我軒公,就嚟可以起軒公廟!」又講笑直播前播出他出道的片段似是講「生平」,自踩昔日樣子如嚴重飢餓的人。對於有指他跟林家謙撞樣,他亦大表認同,笑起來一樣有大板牙,又讚對方唱歌好聽,笑言可成立組合「TERROR」。

惡搞也有底線

過往經常玩惡搞,最經典惡搞容祖兒扮「火龍果」,他解釋可能因為獨生子關係,自細無玩伴,一向自己同自己玩,見人開心便開心,拍片是想令大家開心,但要有底線,他說:「心地唔好就唔扮,幽默要有層次!」提到今年是他入行20周年,坦言好想開演唱會,但一切要看疫情如何,他透露去年11月演唱會,因為疫情關係,削減4成製作以控制成本。他說:「可能因為呢幾年,好多娛樂界嘅前輩,或者電台嘅朋友,好年輕就走咗,所以我依家做大型嘅演出,我係當冇下一次,即係每一次,都係當最後一次去做,所以無論公司嘅經濟條件或者自己體力方面,我都想做到最好。」

觀眾安全要緊

他認為觀眾的安全,是首要考慮條件,並感觸地說:「我記得舊年有段時間,逢下午4點幾疫情報告會,係我每一日最辛苦嘅時間,我冇諗過會喺記者會聽到我個名。我覺得作為藝人都要堅守社會責任,經歷好大考驗,無論觀眾感染咗,源頭係咪呢個騷,我都唔安樂。」

妙語如珠的軒仔,與繽FUN主播合力大放笑彈。
妙語如珠的軒仔,與繽FUN主播合力大放笑彈。