張敬軒捉遮遮傾早餐問題 收「B」字麵包即淆底

·1 分鐘文章
張敬軒捉遮遮傾早餐問題 收「B」字麵包即淆底

「早餐KOL」歌手張敬軒(軒仔)早前大爆「堅嬲」家中工人姐姐「遮遮」,令網友擔心其地位隨時不保,不過呢日軒仔更新社交網,再晒出招牌清一色麵包早餐,就知道「遮遮」依然屹立不倒!其實早前軒仔的確有同「遮遮」認真檢討早餐嘅問題,而「遮遮」亦有所「改進」,就係將方包變成英文字母B字型嘅麵包,令軒仔都擔心唔知係咪有咩含意。

佢發文表示:「為期兩個月嘅搬屋、搬廠、搬寫字樓終於到岸,我呢邊大部分嘅嘢都係新嘅開始,唯一冇變嘅就係我朝頭早嗰餐...尋日朝頭早起身,雪櫃除咗兩隻凍嘅芒果,同一個由舊屋帶到嚟新屋已經雪咗兩個禮拜嘅蜜瓜,同埋啲汽水同冰格有冰粒,就乜都冇了... 我嗰吓係着着哋,於是我將長久以來積壓嘅各種問題,趁住今次轉環境同佢好好討論咗一番。我突然間發現我嬲嘅時候英文會流利好多,可能平時慣咗嘻嘻哈哈,好明顯佢唔係咁接受到我嘅認真mode,佢有啲唔開心,佢話畀我聽佢會處理好我個早餐問題,佢會諗辦法改進。於是今朝就改進咗,而我Appreciate(欣賞)。其實有冇高人指點下個BBB組合係咪有咩意思,唔通係咩密碼?我確係淆。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能