張敬軒撩人妻 王菀之熱力逼走老公

東方日報
·2 分鐘文章

英皇歌手張敬軒繼日前「突襲」Fans推出「超級大碟」《The Brightest Darkness》後,昨日凌晨再驚喜開Live,觀看人數瞬間飆升過萬!他分別邀請2位「星」級好友狂放笑彈,最後直播開足個半鐘至凌晨3點半才結束。

首位嘉賓有最近勇奪叱咤男歌手金獎的許廷鏗(Alfred),軒仔叫身兼牙醫的他幫手箍牙,Alfred一口答應,還自爆不少客人都是其Fans,但「明星效應」未有令業績增長,笑言因不少熟人覺得要對他張開口好尷尬,更說:「又唔係要睇你條底褲!」

而另一位嘉賓是人妻王菀之(Ivana),其現身令不少Fans勁High歡呼,身處閨房的她以全素顏Look做「見面禮」,追加曝光牡丹枕頭套,令軒仔爆笑!不過可能睡房訊號較差,不時窒機,軒仔即抵死笑指猶如睇恐怖「4仔」,而身為電訊公司代言人的他更稱職地介紹優惠計劃,Ivana搞爛Gag笑說:「你用5G,但我係OMG!」笑翻全場!

「露底」答謝Fans支持

軒仔問到她為何獨守空房?她即踢爆老公出房睇波,又指老公拒入房原因:「我怕凍所以瞓覺着衞衣,入面仲有件Super Heattech(保暖內衣),搞到成身汗,仲有3張被,咁你知點解佢唔入嚟啦,哈哈!」軒仔笑點一觸即發:「你係咪要落街瞓?」2人又合唱一小段「撞音版」《我真的受傷了》,軒仔還首次Live唱新歌《俏郎君》。

事後軒仔為答謝Fans支持,於社交平台公開廣告絕密片段作「謝禮」,片段中戴假髮的他對住鏡頭搔首弄姿放「生電」,知道中獎後開心到擘大口狂叫,更興奮四腳朝天「走光」露白底,瞓身演出令人發笑!