張敬軒紅館跨年演唱會賀入行20年 爬上246米避雷針頂影海報

·1 分鐘文章
張敬軒紅館跨年演唱會賀入行20年 爬上246米避雷針頂影海報
張敬軒紅館跨年演唱會賀入行20年 爬上246米避雷針頂影海報

歷年紅館跨年檔都係大熱檔期,不過近幾年因為各種原因而開唔成,成為「邪期」!對上一次開得成已經係2017年接劉德華因墮馬而空出檔期嘅楊千嬅。早前有傳MIRROR會喺紅館跨年,但係花姐已經否認,而今年跨年檔今日正式落實,就係由張敬軒「奪得」。

今年係軒仔入行20周年,亦係佢踏入40歲嘅一年,舉行紅館演唱會意義重大,於是佢同創作團隊諗到喺銅鑼灣利園246米高嘅針頂上面影海報相,作為同香港呢個地方嘅合照。

張敬軒紅館跨年演唱會賀入行20年 爬上246米避雷針頂影海報
張敬軒紅館跨年演唱會賀入行20年 爬上246米避雷針頂影海報

演唱會以外,軒仔仲會食住近期NFT拍賣熱潮,將演唱會門票以及拍攝天台照時錄嘅心底說話做慈善競投,另有1000套NFT收藏卡星期五中午開售。

今次演唱會暫定有10場,最特別係1月1同2號會開下晝3點場,係咪留返夜晚加場,定係騰出時間去叱咤頒獎禮攞獎?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能