張敬軒練大隻 唔敢做脫星

張敬軒扮谷胸,獲Tyson讚有料到。
張敬軒扮谷胸,獲Tyson讚有料到。

歌手Tyson Yoshi與友人合資7位數在尖沙咀開設一對一課程的健身室,昨日邀得張敬軒等撐場,軒仔特別派雙封利是作賀禮。他幫記者追問「富二代」Tyson為何不獨資?Tyson笑言:「擔心賺唔到錢,同朋友合資分散風險。」又指求學時已愛上健身,不過用錯方法,近年才找到合適的操肌方法:「開健身室係我嘅夢想。(參加健美先生比賽啦!)想,不過要暫停工作半年,今年一定唔得。」他希望健身室半年內回本,若有好成績,考慮在港島區開分店。

而軒仔透露已預約Tyson的健身室受訓:「初頭操肌辛苦,操慣咗就得,真係精神咗。(有成績考慮做脫星?)我哋呢啲練武之人,都係想強身健體,唔敢班門弄斧。」