張智霖抗日神劇出土 抱住魚雷炸日軍 網民恥笑︰衰過拍三級片

內地以二戰抗日為題材嘅劇集多不勝數，情節亦十分「跳掣」，好似早排介紹過、愛國男為報國仇竟然污辱日本女呢啲橋段，睇到人O晒咀。最近又有網民搵到好嘢，套劇仲要有張智霖演出！

呢套叫《終結杉計劃》嘅神劇已經面世9年，係根據內地作家胡萬春嘅長篇小説《蛙女》改編，講述了七七蘆溝橋事變前夕，日軍啓動「杉計劃」印發偽鈔以打擊中國經濟。女主角係黃浦江畔一位船家女，為咗保護印鈔模板，同潛伏喺中國嘅日本特務周旋。

最為人討論嘅一幕，係大結局入面，Chilam同女主角蛙女追截日軍船隻時，佢地嘅親人揸住漁船趕到，仲話搵到魚雷，於是Chilam同蛙女上船繼續追殺日軍。雙方喺海上駁火之後，Chilam同蛙女決定將魚雷推落海之後再跳埋落水，2個人推住支魚雷接近日軍船隻，到咁上下魚雷自行啟動摩打，最終擊中日軍。

呢啲咁爆嘅劇情，網友都睇到有幾唔合理，例如一支魚雷幾百公斤，點會咁易推郁？而且駁火期間子彈橫飛，居然冇射爆支魚雷！難怪有人話「咁嘅戲佢都接，衰過拍三級片」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！