張曦雯情人節零準備 靠男友做「煮」

東方日報
·1 分鐘文章
Kelly向來愛網購,睇中就畀錢等收貨!
Kelly向來愛網購,睇中就畀錢等收貨!

張曦雯昨日出席活動時大呻疫情下收入大減,但不會要求男友代找卡數。她大讚另一半相當體貼,每次食飯都主動埋單,情人節更送花兼下廚炮製愛心牛扒,自己反而毫無準備!

張曦雯(Kelly)昨日出席美國運通信用卡記者會,直言向來愛網上購物,但因疫情關係收入減少,所以最近較為「忍手」,幸好今次的工作酬勞足以讓她繼續血拼。問到會否要求男友代找卡數?她說:「唔會,我哋財政獨立。(收入少咗,有冇用多咗男友錢?)唔會,我哋好公平。不過佢好有紳士風度,又好錫我,出去食飯係佢畀錢,我話畀番,佢唔會收。至於我自己嘅使費,就唔會用佢錢。」

準備北上隔離

問到剛過去的情人節如何慶祝?她自言並非浪漫之人,與男友在家中睇電視及食飯已很滿足:「佢平時唔下廚,嗰日難得下廚煮牛扒同埋整沙律畀我食,仲有送花!雖然之後2日間屋仲係嗰陣牛扒味,但我好欣賞佢,好有心。(咁你送咗咩禮物畀佢?)冇。(已經老夫老妻?)我性格係咁,一開始拍拖已經係咁,所以唔會有期望。」此外,她透露稍後就要去深圳拍攝劇集《白色強人II》,開工前要先隔離21日,笑言屆時會有很多時間打機及網購。