張曦雯私伙出征 喱士Bra情挑羅子溢

東方日報
·2 分鐘文章
張曦雯坦言愛買性感內衣,但並非為了男友。
張曦雯坦言愛買性感內衣,但並非為了男友。

羅子溢與太太楊茜堯近日齊齊改名,子溢受訪時表示並非為追仔,而是希望帶旺事業。張曦雯則自爆出動私伙黑色喱士內衣拍劇,色誘子溢!

藝人羅子溢(前名羅仲謙)、張曦雯與韋家雄等,昨日在將軍澳宣傳新劇《木棘証人》,當中羅子溢日前在網上公布與太太楊茜堯(前名楊怡)為家人健康而改名,問是否得高人指點,他說:「改咗一段時間,唔係刻意,咁啱有緣分。(改名希望生仔?)呢個係表面解釋,其實係就番筆劃、五行,普通話拼音我個名有『怡』呢個音,佢個名就有『謙』嘅音。(想旺事業攞視帝?)旺事業就包埋,攞獎就要睇天時地利人和喇!」最近忙做「奶爸」的他不忘晒「麒麟臂」,笑說:「依家要扮演人形遊樂場,跳樓機、摩天輪、海盜船呀!」又指將來可考慮一家三口演出,但酬勞會收得好貴!

男友冇送內衣

而張曦雯劇中買黑色喱士內衣色誘羅子溢,更出動私伙拍攝,問到現實中可喜歡買性感內衣?她笑說:「每個女仔都鍾意選購靚內衣,好似買靚鞋咁,不過屋企內衣唔及靚鞋多。(鍾情咩款式?)我做Model出身,開工嘅時候最鍾意着肉色內衣打底。(男友對款式有冇偏好?)咁又冇,佢亦冇送過畀我,內衣係氹自己開心而買,唔係為咗人。」

活動上,眾人玩遊戲砌拼圖,韋家雄大講有味笑話:「我由細到大最鍾意砌嘢,我砌完要抖抖,冇咁快再砌得。」全場爆笑!張曦雯趁機「投訴」,笑說:「我經常畀佢笑到NG、失控!(劇集口碑好,有利爭視后?)冇諗咁多。」

羅子溢不介意舉家演出,但要收天價喎!
羅子溢不介意舉家演出,但要收天價喎!

【相關搜尋】張曦雯混血兒男友曝光