張栢芝廣州商演傳收百萬唱兩首歌因失聲勁走音 網民:佢唱歌有好聽過嗎?

栢芝廣州商演傳收百萬唱兩首歌因失聲勁走音 網民:佢唱歌有好聽過嗎?
栢芝廣州商演傳收百萬唱兩首歌因失聲勁走音 網民:佢唱歌有好聽過嗎?

喺剛過去嘅Boxing Day(26日),張栢芝接受內地網紅二驢邀請,到廣州參加「FAN嚴選&JLV海心沙巨星演唱會」。當晚嘅演出陣容相當華麗,除咗張栢芝之外,仲有王力宏、汪峰及孟美岐等等,有報道指呢個演唱會嘅成本費接近5千萬,而張柏芝就收近百萬人民幣唱兩首歌。

張栢芝因為失聲嘅關係,當晚嘅演出走音次數極多,真係嚇親唔少人。佢一出場就「戴定頭盔」話自己失咗聲及未有進行綵排,希望大家可以多多包涵,之後先開始獻唱首本名曲《星語心願》,不過一開始佢只係咪嘴扮唱,後來先真係開聲唱。栢芝唱完《星語心願》後話:「謝謝,不好意思...雖然不完美,但是我會盡我的努力把它完成。」

之後,栢芝再唱張麗謹嘅《留給最愛的說話》,可惜都係表現得強差人意。栢芝再次「沙冧」話:「雖然唱得好難聽,但我都會盡全力,將整首歌完整唱給你們聽。」及「哈哈哈,我都忍唔住想笑呀!我18歲出道,到今天40歲,第一次唱呢首歌俾粉絲們,但真係可能最近比較忙住一個節目,所以失咗聲,但係我唔理任何嘢,唔理媒體或者你哋現場聽到有幾多失聲或者走音,又或者唱到,因為我覺得只要作為一個歌手,最重要就係認真對待每一位觀眾。啱啱明明我可以遞個咪畀你哋,但我都堅持將佢完整(呢首歌),希望你哋都可以感受到我哋嘅熱誠,同埋體諒到我失聲,多謝你哋...希望我今日唱歌嘅努力你哋會感受到,當我有一日個聲好返,我希望可以再喺你哋面前呈現一個最完美嘅版本,謝謝!」

雖然栢芝喺表演期間多次「沙冧」,不過網民們似乎唔多收貨,紛紛留言:「好難聽但真係好靚」、「你去人家演唱會砸場子去了麽?國語不會說,唱歌唱那樣。」、「走音又忘詞,沒彩排不是理由,是態度」、「唱的鬼哭狼嚎的」及「佢唱歌有好聽過嗎?」等等。另外,亦有網民支持栢芝留言話:「今天柏芝嗓子都發不出聲,但是為了粉絲還盡力唱歌啊,好感動」及「她感冒了聲音嘶啞卻還是很努力沒有假唱,真的很棒了,這份態度就很認真!」及「因為嗓子不好,一直在道歉,也很努力盡力的在唱,完全不敷衍,有在現場聽,柏芝很可愛的」等等。

睇片:https://weibo.com/tv/show/1034:4586486222225417?mid=4586487909715957

張栢芝(微博圖片)
張栢芝(微博圖片)
FAN嚴選&JLV海心沙巨星演唱會
FAN嚴選&JLV海心沙巨星演唱會
張栢芝(微博圖片)
張栢芝(微博圖片)
張栢芝(微博圖片)
張栢芝(微博圖片)

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!

【相關搜尋】張栢芝傳遭納入「拒絕同台」名單