張繼聰唔搞笑耍浪漫 周秀娜情緒壓抑愈拍愈瘦

藝人周秀娜與張繼聰在新片再度合作，阿聰為新戲犧牲肌肉，周秀娜則缺失腦細胞，情緒壓抑之下更愈拍愈瘦！2人有浪漫的洗頭情節，但阿聰笑言是否浪漫之輩，應要問「用家」謝安琪！

周秀娜（Chrissie）與張繼聰主演的電影《馬達．蓮娜》上映在即，阿聰指最大挑戰是沒半點搞笑成分，一改往日戲路。為了配合角色的潦倒形象更刻意減肌，他說：「套戲喺澳門拍，隔離期間我都有喺房跑步，加上有戲服幫助下，有次我企喺啲民工隔籬睇Chrissie做戲，劇組都搵我唔到！」Chrissie同樣付出不少心血，她直言：「死咗好多腦細胞，因為角色好壓抑，我拍之前好好胃口，但係愈拍愈瘦，食唔落嘢。」

車廂親熱有難度

片中2人有接吻及車廂親熱戲，他們表示已投入角色，不會尷尬，但就頗有難度。Chrissie說：「車廂環境好狹窄，經常撞到頭同腳，又要就攝影師角度。」提到其中一幕Chrissie為阿聰洗頭，阿聰認為這是平凡的浪漫，問到有否為太太謝安琪洗過頭？他說：「咁又冇，佢都冇幫我洗過。（你係咪浪漫之人？）要問用家意見，自己梗係覺得自己係。」Chrissie就以拍檔身份為他認證：「我覺得佢係，因為戲中有啲浪漫情節都係佢諗出嚟。」

講到有影評人大讚Chrissie演技好，問她是否有信心衝擊影后？她謙稱沒有想過，獲讚賞已感開心，阿聰話要以「綻放」去形容她，有幾場戲看到對方身上發光。