張致恆被貼街招追數 過往負面新聞一籮籮

·1 分鐘文章

被稱為「負評王」嘅張致恆(Steven),近年負面新聞一籮籮,搞到形象插晒水。噚日有報道指有人爆料話Steven位於元朗嘅村屋外被貼街招追數,仲話連佢屋企嘅信箱都塞滿晒追數嘅紙張同信件,懷疑佢一家四口已經搬走咗。

今年初,Steven被指喺過去一年經常向圈中朋友借錢,欠下一身街數。模特兒馮鎵瀠(Naomi)喺IG開名鬧爆佢未還錢,有指佢曾向圈中朋友關智斌(Kenny)、張彥博及林盛斌等人借錢。消息傳出後,Steven喺IG作出回應指因自己之前做錯事,搞到冇工開冇收入,所以迫於無奈向朋友借錢。

另外,異性緣極佳嘅Steven,過往有唔少桃色緋聞發生,包括與黃榕、傳又宣(前名傅珮嘉)、女網友Fiona、鍾舒漫、孫旗、莊韻澄(前名莊端兒)及模特兼演員梁皓恩(April),當中最轟動嘅一定係前年被揭發「一腳踏五船」。2019年7月Steven突然喺社交網站宣布婚訊及已誕一子,之後被揭發同一時間與五個女生關係糾纏不清,當中包括以為自己係正印嘅梁皓恩。

張致恆(Steven)
張致恆(Steven)
張致恆(Steven)
張致恆(Steven)
張致恆(Steven)
張致恆(Steven)
張致恆(Steven)
張致恆(Steven)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!